ଶ୍ରୀଲଙ୍କା ସିରିଜ୍‌ ବିସ୍ଫୋରଣ ଘଟଣା: 24 ସନ୍ଦିଗ୍ଧ ଗିରଫ

ଶ୍ରୀଲଙ୍କାରେ ହୋଇଥିବା ସିରିଜ ବିସ୍ଫୋରଣ ଘଟଣାରେ ପୋଲିସ 24 ସନ୍ଦିଗ୍ଧଙ୍କୁ ଗିରଫ କରିଥିବା ଜଣାପଡିଛି ।

କଲମ୍ବୋ: ଶ୍ରୀଲଙ୍କାରେ ହୋଇଥିବା ସିରିଜ ବିସ୍ଫୋରଣ ଘଟଣାରେ ପୋଲିସ 24 ସନ୍ଦିଗ୍ଧଙ୍କୁ ଗିରଫ କରିଥିବା ଜଣାପଡିଛି । ନ୍ୟୁଜ ଏଜେନ୍ସି ଏଏନଆଇ ମୁତାବକ, ଗତକାଲି(ରବିବାର) ଚର୍ଚ୍ଚ ଓ ହୋଟେଲ ଉପରେ ଆକ୍ରମଣ କରିଥିବା ସନ୍ଦେହରେ 24 ଜଣଙ୍କୁ ଶ୍ରୀଲଙ୍କା ପୋଲିସ ଗିରଫ କରିଛି ।

ସୂଚନା ଥାଉକି, ରବିବାର ଶ୍ରୀଲଙ୍କାର ବିଭିନ୍ନ ସ୍ଥାନରେ ସିରିଜ ବିସ୍ଫୋରଣ ହୋଇଥିଲା । ଏଥିରେ ବର୍ତ୍ତମାନ ସୁଦ୍ଧା ମିଳିଥିବା ଖବର ଅନୁଯାୟୀ 290 ଜଣଙ୍କର ପ୍ରାଣହାନୀ ଘଟିଛି । ତେବେ ଘଟଣା ପରେ ପୋଲିସ ପକ୍ଷରୁ ଅପରାଧୀଙ୍କୁ ଧରିବା ପାଇଁ ଜୋରଦାର ପ୍ରୟାସ ଆରମ୍ଭ ହୋଇଥିବା ଜଣାପଡିଛି ।