ସୁକମା: ଜାଗ୍ରୁଣ୍ଡା ପୋଲିସ ଅସ୍ତ୍ରଶସ୍ତ୍ର ସହ ତିନି ଜଣ ନକ୍ସଲଙ୍କୁ ଗିରଫ କରିଛି। ଗିରଫ ତିନିଜଣ ନକ୍ସଲ ସଂଗଠନର ଛୋଟ ଆକ୍ସନ ଦଳର ସଦସ୍ୟ ହୋଇଥିବା ଜଣାପଡିଛି । ଏମାନେ ଏକ ଆକ୍ରମଣ ଯୋଜନା କରୁଥିବା ବେଳେ ପୋଲିସ ଗିରଫ କରିଛି ।
ସେମାନଙ୍କ ପାଖରୁ ପୋଲିସ ଚାରିଟି ଇଲେକ୍ଟ୍ରିକ୍ ଡିଟୋନେଟର, ଦୁଇ ମିଟର କର୍ଡେକ୍ସ ତାର ଏବଂ ତିରିଶ ମିଟର ବିଦ୍ୟୁତ ତାର ଜବତ କରିଛି । ପୋଲିସ ତିନି ନକ୍ସଲଙ୍କୁ ସୁକମା କୋର୍ଟରେ ହାଜର କରାଇବା ସହ ଜେଲକୁ ପଠାଇଛି।
ସୂଚନା ଅନୁଯାୟୀ, ଜାଗରୁଣ୍ଡା ଅଞ୍ଚଳରେ ନକ୍ସଲମାନଙ୍କ ଉପସ୍ଥିତି ସମ୍ପର୍କରେ ପୋଲିସ ସୂଚନା ପାଇଥିଲା। ଏହି ସୂଚନା ଆଧାରରେ ଜାଗ୍ରୁଣ୍ଡା ପୋଲିସ ସେହି ଅଞ୍ଚଳକୁ ଯାଇଥିଲେ । ହେଲେ ଏହି ସମୟରେ ଜଙ୍ଗଲରେ କିଛି ସନ୍ଦିଗ୍ଧ ବ୍ୟକ୍ତି ପୋଲିସକୁ ଦେଖିବା ପରେ ଦୌଡିବାକୁ ଆରମ୍ଭ କରିଥିଲେ । ଯବାନମାନେ ସେମାନଙ୍କୁ କାବୁ କରିଥିଲେ । ପଚରାଉଚରା ବେଳେ ସେମାନେ ପୂର୍ବତନ ପ୍ଲାଟୁନ୍ ନମ୍ବର 5ର ସଦସ୍ୟ ତଥା ଡିଏକେଏସ ସଦସ୍ୟ ମାଡକମ ଭୀମା, ମିଲିଟିଆ ସଦସ୍ୟ କୁରମ ରାମା ଓ ସିଏନଏମ ସଦସ୍ୟ ପଦ୍ମ ମୁକା ବୋଲି ଜଣାପଡିଛି ।
ପୋଲିସ ଠାରୁ ମିଳିଥିବା ସୂଚନା ଅନୁଯାୟୀ, ଗିରଫ ତିନିଜଣ ମାଓବାଦୀ ଜାଗ୍ରୁଣ୍ଡା ଥାନା ଅଧୀନରେ ବିଭିନ୍ନ କାର୍ଯ୍ୟକଳାପରେ ଲୁପ୍ତ ରହିଥିଲେ । 2019ରେ, ସେମାନେ କୋଣ୍ଡାସୋନାଲି କ୍ୟାମ୍ପ ପୂର୍ବରୁ ପ୍ରାୟ 650 ମିଟର ଦୂରରେ ପୋଲିସ ଟିମକୁ କ୍ଷତି ପହଞ୍ଚାଇବା ପାଇଁ ଦୁଇଟି ଭିନ୍ନଭିନ୍ନ ସ୍ଥାନରେ ଆଇଡି ବୋମା ଲଗାଇବା ଘଟଣାରେ ମଧ୍ୟ ଜଡିତ ଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
