କବିଙ୍କ କଲମରୁ ମୋଦି-ଶାହଙ୍କ ସାହସିକତା

କବି ଶିବରାମ ତିୱାରୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଙ୍କୁ ଆଧାର କରି ଏକ ସୁନ୍ଦର କବିତାଟିଏ ଲେଖିଥିଲେ । ରଚନା କରିଥିବା କବିତାଟିକୁ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ନିକଟକୁ ବି ପଠାଇଥିଲେ । ମୋଦି ସେହି କବିତାଟିକୁ ଦେଖିବାପରେ ଶିବରାମଙ୍କ ଉପରେ ବେଶ ପ୍ରୀତ ହୋଇଥିଲେ । କିଛିଦିନ ପୂର୍ବରୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ତାଙ୍କୁ ଫୋନ ଆସିଥିଲା । ଅନୁଛେଦ 370 ବା ଜମ୍ମୁ ଓ କାଶ୍ମୀର ପ୍ରସଙ୍ଗରେ ଏକ କବିତା ଲେଖିବାକୁ ତାଙ୍କୁ କୁହାଯାଇଥିଲା ।

ଲକ୍ଷ୍ନୌ: ସରକାରୀ ଚାକିରୀରୁ ଅବସର ନେବା ପରେ ଦୀର୍ଘ 10 ବର୍ଷ ଧରି ସମସାମୟିକ ବିଷୟ କୁ ନେଇ କବିତା ଲେଖନ୍ତି ଶିବରାମ । ତାଙ୍କ କହିବାନୁଯାୟୀ 5 ମାସ ତଳେ ପ୍ରଧାନମନ୍ତ୍ରୀ ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀଙ୍କୁ ନେଇ ଏକ କବିତା ଲେଖି ଉଭୟଙ୍କୁ ପ୍ରେରଣ କରିଥିଲେ ।

ଦେଖନ୍ତୁ ଶିବରାମ ଲେଖିଥିବା କବିତାର କିଛି ଲାଇନ୍.....

‘‘ଲୋଭିଓଁ ନେ ଲୁଟ ଲିୟା ଦେଶ ୱ ପ୍ରଦେଶ ସବ, ଯୋଗୀୟୋଂ କେ ହାଥ ଡୋର ଶାସନ କୀ ଆଇ ହୈ । ଇଶ୍ବରୀୟ ଚମତ୍କାର ହୋ ରହା ଅବ ଯୋଗୀ ଔର ମୋଦୀ ପର ଦେଶଭକ୍ତି ଛାଇ ହୈ । ଏକ କା ସମର୍ପଣ ହୈ ଦୁସରେ ନେ ତ୍ୟାଗ କିୟା, ଦେଶ ୱ ପ୍ରଦେଶ ସହିତ ଘର ୱା ସଗାଇ ହୈ । ଇଶ୍ବରୀୟ ଚମତ୍କାର ହୋ ରହା ଅବ ଯୋରୀ ଔର ମୋଦୀ ପର ଦେଶଭକ୍ତି ଛାଇ ହୈ ।’’

ପ୍ରଧାନମନ୍ତ୍ରୀ ଙ୍କ କାର୍ଯ୍ୟାଳୟରୁ ଫୋନ ଆସିବା ପରେ ଅନୁଛେଦ 370 ଉଚ୍ଛେଦ ଏବଂ ଜମ୍ମୁ ଓ କାଶ୍ମୀର ପ୍ରସଙ୍ଗରେ ଏକ କବିତା ଲେଖି ଇ-ମେଲ ଜରିଆରେ ପଠାଇ ଦେଇଛନ୍ତି ଶିବରାମ । ଏହି କବିତାଟିରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହଙ୍କ ସାହାସକୁ ପ୍ରତିପାଦନ କରିଛନ୍ତି ।

ସେ ଆଉ ଏକ କବିତା ମଧ୍ୟ ଲେଖିଛନ୍ତି ଯାହାକୁ ଖୁବଶୀଘ୍ର ପ୍ରଧାନମନ୍ତ୍ରୀଙ୍କ ନିକଟକୁ ପ୍ରେରଣ କରିବେ ବୋଲି କହିଛନ୍ତି ।

ଲକ୍ଷ୍ନୌ ରୁ ଦିଲ୍ଲୀପ ଶୁକ୍ଲା ଇଟିଭି ଭାରତ