ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଭର୍ଚୁଆଲ ମାଧ୍ୟମରେ ସର୍ଦ୍ଦାର ବଲ୍ଲଭ ଭାଇ ପଟେଲ ନ୍ୟାସନାଲ ପୋଲିସ ଏକାଡେମୀ (ଏସଭିପି ଏନପିଏ) ରୁ ଭାରତୀୟ ପୋଲିସ ସେବା (ଆଇପିଏସ) ର ପ୍ରୋବେସନର୍ସଙ୍କୁ ସମ୍ବୋଧିତ କରିବେ। 2018 ବ୍ୟାଚ ର ମୋଟ 131 ଆଇପିଏସ ପ୍ରୋବେସନର ଏକାଡେମୀରୁ ପାସ କରିବେ । ଏହି ବ୍ୟାଚରେ 28 ଜଣ ମହିଳା ପ୍ରୋବେସନର୍ ରହିଛନ୍ତି ।
ଏକାଡେମୀର ନିର୍ଦ୍ଦେଶକ ଅତୁଲ କରୱାଲ କହିଛନ୍ତି ଏକାଡେମୀରେ ଦୁଇ ବର୍ଷର ମୌଳିକ ତାଲିମର ଶେଷ 'ଦିଶାନ୍ତ ପ୍ୟାରେଡ' ଅନୁଷ୍ଠିତ ହେବ । ଏହା ପରେ ପ୍ରଧାନମନ୍ତ୍ରୀ ନୂଆଦିଲ୍ଲୀରୁ ସିଧାସଳଖ ଯୁବ ଅଧିକାରୀଙ୍କୁ ସମ୍ବୋଧିତ କରିବେ । ବ୍ୟାଚ ର ସର୍ବଶ୍ରେଷ୍ଠ ଅଲରାଉଣ୍ଡ ପ୍ରୋବେସନର୍ ଡି.ଭି କିରଣ ଶ୍ରୁତି ପରେଡକୁ ନିର୍ଦ୍ଦେଶ ଦେବେ।