ନୂଆଦିଲ୍ଲୀ: 2019 ଲୋକସଭା ନିର୍ବାଚନରେ ପୁଣିଥରେ ସରକାର ଗଢିବାକୁ ଅଣ୍ଟା ଭିଡିଛି ବିଜେପି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଏଥିପାଇଁ ପ୍ରତିଦିନ ନିର୍ବାଚନୀ ରାଲି କରୁଛନ୍ତି । ଭାରତୀୟ ରାଜନୀତିରେ ସବୁଠୁ ଅଧିକ ଚର୍ଚ୍ଚାରେ ରହୁଥିବା ନେତା ପାଲଟିଛନ୍ତି ସେ । ଏହା ବ୍ୟତିତ ଲୋକଙ୍କ ମଧ୍ୟରେ ତାଙ୍କ କ୍ରେଜ ବଢୁଥିବା ପ୍ରତିଦିନ ଦେଖିବାକୁ ମିଳୁଛି । ମୋଦିଙ୍କ ପ୍ରଶଂସକ ଭିନ୍ନ ଭିନ୍ନ ପ୍ରକ୍ରିୟାରେ ତାଙ୍କ ପାଇଁ ପ୍ରଚାର କରୁଥିବା ଖବର ପ୍ରତିଦିନ ସୋସିଆଲ ମିଡିଆରେ ଭାଇରାଲ ହେଉଛି ।
ପ୍ରଥମେ ଶାଢ଼ୀ, ଟୋପି ଏବଂ ଟି-ସାର୍ଟରେ ମୋଦିଙ୍କ ଫଟୋ ପ୍ରିଣ୍ଟ କରି ବ୍ୟବହାର କରୁଥିଲେ ମୋଦିଙ୍କ ପ୍ରଶଂସକ। ଏହା ପରେ ଭାରତୀୟ ରେଳବାଇରେ ସର୍ଭେ ହେଉଥିବା ଚା' କପରେ ମଧ୍ୟ ମୋଦିଙ୍କ ଫଟୋ ସହ 'ମେ ଭି ଚୌକିଦାର' ଲେଖାଯାଇଥିଲା । ଆଉ ଏବେ ବିନ୍ଦି ପ୍ୟାକେଟରେ ମୋଦିଙ୍କ ଫଟୋ ପ୍ରିଣ୍ଟ କରାଯାଇଥିବା ଦେଖିବାକୁ ମିଳିଛି ।