ମୋଦିଙ୍କ ଶପଥରେ ଯୋଗ ଦେବେ ପୁଲଓ୍ଵାମା ଶହୀଦଙ୍କ ପରିବାର

ମୋଦିଙ୍କ ଶପଥ ଗ୍ରହଣ ସମାରୋହରେ ପୁଲଓ୍ଵାମା ଶହୀଦ ଯବାନଙ୍କ ପରିବାର ସାମିଲ ହେବେ ।

ନୂଆଦିଲ୍ଲୀ: ଦ୍ବିତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦି ଆଜି (ଗୁରୁବାର) ଶପଥ ଗ୍ରହଣ କରିବେ । ଏହି ସମାରୋହରେ ଦେଶ ବିଦେଶର ମୋଟ 6500 ଲୋକ ସାମିଲ ହେବାର ସୂଚନା ରହିଛି । ଗତ ଫେବୃଆରୀ 14ରେ ପୁଲଓ୍ଵାମାରେ ଶହୀଦ ହୋଇଥିବା ଯବାନଙ୍କ ପରିବାର ଶପଥ ଗ୍ରହଣ ସମାରୋହରେ ସାମିଲ ହେବେ ।

ଆଜି ସଂନ୍ଧ୍ୟା ୭ଟାରୁ ଆରମ୍ଭ ହେବାକୁ ଥିବା ଶପଥ ଗ୍ରହଣ ସମାରୋହରେ ଅନେକ ବଡ଼ ବଡ଼ ନେତା ଯୋଗ ଦେବେ । ପଡୋଶୀ ଚୀନ, ପାକିସ୍ତାନକୁ ବାଦ ଦେଲେ ବିଶ୍ବର ଅନେକ ବଡବଡ ରାଜନେତା, ମନ୍ତ୍ରୀ ଶପଥ ଗ୍ରହଣ ସମାରୋହରେ ସାମିଲ ହେବେ । ସମସ୍ତ ଅତିଥିଙ୍କ ପାଇଁ ସାହି ଦାୱତର ବ୍ୟବସ୍ଥା ରହିଛି ।

ଏଠାରେ ସୂଚନା ଯୋଗ୍ୟ ଯେ 14 ଫେବୃୟାରୀ ପୁଲୱାମା ଆକ୍ରମଣ ହୋଇଥିଲା । ଏହି ଆକ୍ରମଣରେ ଜମ୍ମୁ ଶ୍ରୀନଗର ଜାତୀୟ ରାଜପଥରେ 46ଜଣ ସିଆରପିଏଫ ଯବାନ ଆତ୍ମଘାତୀ ବିସ୍ଫୋରଣରେ ଶହୀଦ ହୋଇଥିଲେ ।