ବିଶ୍ବସ୍ତରୀୟ ତୈଳ-ପ୍ରାକୃତିକ ଗ୍ୟାସ କମ୍ପାନୀର CEOଙ୍କ ସହ ଆଲୋଚନା କରିବେ ମୋଦି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି(ସୋମବାର) ଭିଡିଓ କନଫରେନ୍ସିଂ ଜରିଆରେ ନୀତି ଆୟୋଗ, ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ଦ୍ବାରା ଆୟୋଜିତ ବାର୍ଷିକ କାର୍ଯ୍ୟକ୍ରମରେ ଅଗ୍ରଣୀ ଗ୍ଲୋବାଲ ତୈଳ ଏବଂ ଗ୍ୟାସ କମ୍ପାନୀର ସିଇଓଙ୍କ ସହ ଆଲୋଚନା କରିବେ। ଅଧିକ ପଢନ୍ତୁ...

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି(ସୋମବାର) ଭିଡିଓ କନଫରେନ୍ସିଂ ଜରିଆରେ ନୀତି ଆୟୋଗ, ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ଦ୍ବାରା ଆୟୋଜିତ ବାର୍ଷିକ କାର୍ଯ୍ୟକ୍ରମରେ ଅଗ୍ରଣୀ ଗ୍ଲୋବାଲ ତୈଳ ଏବଂ ଗ୍ୟାସ କମ୍ପାନୀର ସିଇଓଙ୍କ ସହ ଆଲୋଚନା କରିବେ। ବିଶ୍ବ ତୈଳ ଏବଂ ଗ୍ୟାସ କ୍ଷେତ୍ରରେ ଅଶୋଧିତ ତୈଳର ତୃତୀୟ ବୃହତ୍ତମ ଉପଭୋକ୍ତା ତଥା ଚତୁର୍ଥ ବୃହତ୍ତମ LNG ଆମଦାନୀକାରୀ ଭାବରେ ଭାରତ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରେ।

ନୀତି ଆୟୋଗ 2016 ରେ ପ୍ରଧାନମନ୍ତ୍ରୀଙ୍କ ସହ ବିଶ୍ବ ତୈଳ ଏବଂ ଗ୍ୟାସ୍ ସିଇଓଙ୍କର ପ୍ରଥମ ରାଉଣ୍ଡ ଟେବୁଲ୍ ଆରମ୍ଭ କରିଥିଲା। ପ୍ରତିବର୍ଷ ପ୍ରାୟ 45 ରୁ 50 ଗ୍ଲୋବାଲ୍ ସିଇଓ ତଥା ପ୍ରମୁଖ ହିତାଧିକାରୀ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରନ୍ତି । ବାର୍ଷିକ ବିଶ୍ବସ୍ତରୀୟ ସିଇଓଙ୍କ ପାରସ୍ପରିକ ସମ୍ପର୍କ ବିଶ୍ବର ତୈଳ କ୍ଷେତ୍ରରେ ଗମ୍ଭୀରତାକୁ ଦର୍ଶାଏ । ନୀତି ଆୟୋଗ, ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ଦ୍ବାରା ଆୟୋଜିତ ଏହା ପଞ୍ଚମ କାର୍ଯ୍ୟକ୍ରମ । ଆଜିର କାର୍ଯ୍ୟକ୍ରମରେ ପ୍ରମୁଖ ତୈଳ ଏବଂ ଗ୍ୟାସ କମ୍ପାନୀର ପ୍ରାୟ 45 ସିଇଓ ଯୋଗଦେବେ ।