ଗୁରୁବାର ସ୍ବଚ୍ଛ ସର୍ବେକ୍ଷଣ 2020 ପୁରସ୍କାର ଘୋଷଣା କରିବେ ପ୍ରଧାନମନ୍ତ୍ରୀ

ଅଗଷ୍ଟ 20ରେ 'ସ୍ବଚ୍ଛ ସର୍ବେକ୍ଷଣ 2020'ର ପୁରସ୍କାର ଘୋଷଣା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଟ 129 ପୁରସ୍କାର ପ୍ରଦାନ କରାଯିବ। ଅଧିକ ପଢନ୍ତୁ...

ନୂଆଦିଲ୍ଲୀ: ଆସନ୍ତା ଅଗଷ୍ଟ 20ରେ 'ସ୍ବଚ୍ଛ ସର୍ବେକ୍ଷଣ 2020'ର ପୁରସ୍କାର ଘୋଷଣା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ହେଉଛି ଦେଶର ବାର୍ଷିକ ସ୍ବଚ୍ଛତା ସର୍ବେକ୍ଷଣର ପଞ୍ଚମ ସଂସ୍କରଣ। 'ସ୍ବଚ୍ଛ ମହୋତ୍ସବ' ଶୀର୍ଷକ କାର୍ଯ୍ୟକ୍ରମରେ ଶ୍ରେଷ୍ଠ ପ୍ରଦର୍ଶନକାରୀ ସହର ଏବଂ ରାଜ୍ୟମାନଙ୍କୁ ମୋଟ 129 ପୁରସ୍କାର ପ୍ରଦାନ କରାଯିବ।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ଅନୁଯାୟୀ ଦେଶର ବିଭିନ୍ନ ସ୍ଥାନରୁ ସ୍ବଚ୍ଛ ଭାରତ ମିଶନ ସହରୀ (SBM-U) ଅଧୀନରେ ମନୋନୀତ ହିତାଧିକାରୀ ଓ ସଫେଇକର୍ମୀଙ୍କ ସହ ପ୍ରଧାନମନ୍ତ୍ରୀ ମଧ୍ୟ ଯୋଗାଯୋଗ କରିବେ। ସେ ଏହି ଅବସରରେ ସ୍ବଚ୍ଛ ସର୍ବେକ୍ଷଣ 2020 ଫଳାଫଳର ଡାସବୋର୍ଡ ମଧ୍ୟ ଲଞ୍ଚ କରିପାରନ୍ତି ।

ସ୍ବଚ୍ଛ ସର୍ଭେକ୍ଷଣ 2020 ହେଉଛି ବିଶ୍ବର ସର୍ବ ବୃହତ ସ୍ବଚ୍ଛତା ସର୍ବେକ୍ଷଣ ଯେଉଁଥିରେ ସମୁଦାୟ 4,242 ସହର, 62 କ୍ୟାଣ୍ଟନମେଣ୍ଟ ବୋର୍ଡ ଏବଂ 92 ଗଙ୍ଗା ଟାଉନ ସାମିଲ ରହିଛି । ଅନ୍ୟପକ୍ଷେ ଏଥିରେ 1.87 କୋଟି ନାଗରିକଙ୍କ ଅଂଶଗ୍ରହଣ ପରୋକ୍ଷ ଭାବରେ ଅଂଶଗ୍ରହଣ କରିଛନ୍ତି ।