ନୂଆଦିଲ୍ଲୀ: ବିଶ୍ବ ଯୋଗ ଦିବସ ଅବସରରେ ଜୁନ 21ରେ ଦେଶବାସୀଙ୍କୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି କାର୍ଯ୍ୟକ୍ରମ ପ୍ରଥମେ ଲେହରେ ଆୟୋଜିତ କରିବା ପାଇଁ ନିର୍ଦ୍ଧାରିତ କରାଯାଇଥିଲା । ହେଲେ କୋରୋନା ସଂକ୍ରମଣ ଯୋଗୁଁ ମୋଦି ରାଜଧାନୀ ଦିଲ୍ଲୀରୁ ହିଁ ଦେଶବାସୀଙ୍କୁ ସମ୍ବୋଧିତ କରିବେ ।
ଏହି କାର୍ଯ୍ୟକ୍ରମରେ ସେ ଜୀବନରେ ଯୋଗର ମହତ୍ବ ସମ୍ପର୍କରେ କହିବେ । ତେବେ ଏହି କାର୍ଯ୍ୟକ୍ରମ ଜରିଆରେ ସେ ଭାରତ-ଚୀନ ସୀମା ବିବାଦ ସମ୍ପର୍କରେ ମଧ୍ୟ କହିପାରନ୍ତି । କିନ୍ତୁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏହା ବ୍ୟତୀତ ମୋଦି ଲାଇଭ ଟିଭିରେ କିଛି ଯୋଗାଭ୍ୟାସ କରିପାରନ୍ତି । ଏହାର ପ୍ରସାରଣ ସକାଳ 7ଟା ସମୟରେ ହେବ ଏବଂ ପ୍ରାୟ 1 ଘଣ୍ଚା ପର୍ଯ୍ୟନ୍ତ ଚାଲିବାର ସମ୍ଭାବନା ରହିଛି ।