ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବିତୀୟ ପାଳିର ପୂରୁଛି ପ୍ରଥମ ବର୍ଷ । କାର୍ଯ୍ୟକାଳର ପ୍ରଥମ ବାର୍ଷିକୀ ପାଳନ କରିଥିବା ପରେ ମଧ୍ୟ ଦେଶରେ ଲୋକପ୍ରିୟତାର ଶ୍ରେଷ୍ଠରେ ରହିଛନ୍ତି ପ୍ରଧାନମନ୍ତ୍ରୀ । ଆଇଏଏନଏସ-ସି ଭୋଟର ସର୍ଭେ ରିପୋର୍ଟ ମୁତାବକ ଦେଶରେ ୬୫.୬୯% ଲୋକଙ୍କ ସମର୍ଥନ ମୋଦିଙ୍କ ପାଇଁ ଏବେ ମଧ୍ୟ ରହିଛି । ଅନ୍ୟପଟେ ମୋଦିଙ୍କୁ ସର୍ବାଧିକ ପସନ୍ଦ କରୁଥିବା ରାଜ୍ୟ ତାଲିକାରେ ଓଡ଼ିଶା ରହିଛି ଶ୍ରେଷ୍ଠରେ ।
ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟଧାରାରେ ସମଗ୍ର ଦେଶର 65.69% ଲୋକ ସନ୍ତୁଷ୍ଟ ରହିଥିବାବେଳେ ଓଡ଼ିଶାର 95.06 ପ୍ରତିଶତ ଲୋକଙ୍କ ନିକଟରେ ଗ୍ରହଣୀୟ ହୋଇଛନ୍ତି ମୋଦି । ଅନ୍ୟପଟେ ଓଡ଼ିଶା ପରେ ହିମାଚଳ ପ୍ରଦେଶ, ଛତିଶଗଡ଼ ଓ ଆନ୍ଧ୍ର ପ୍ରଦେଶରେ ଗ୍ରହଣୀୟ ସାଜିଛନ୍ତି ପ୍ରଧାନମନ୍ତ୍ରୀ । ଏହି ସର୍ଭେରେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ 23.11% ଲୋକଙ୍କ ମଧ୍ୟରେ ଲୋକପ୍ରିୟ ଥିବାବେଳେ ମୋଦିଙ୍କ ଉପରେ 65.69% ଦେଶବାସୀ ଖୁସ ରହିଛନ୍ତି ।