ଶବାନା ଆଜମୀଙ୍କ ଶୀଘ୍ର ସୁସ୍ଥତା କାମନା କଲେ ପ୍ରଧାନମନ୍ତ୍ରୀ

ଅଭିନେତ୍ରୀ ଶବାନା ଆଜମୀଙ୍କ ସଡକ ଦୁର୍ଘଟଣା ପରେ ତାଙ୍କର ଶୀଘ୍ର ସୁସ୍ଥତା କାମନା କଲେ ପ୍ରଧାନମନ୍ତ୍ରୀ ମୋଦି । ଅଧିକ ପଢ଼ନ୍ତୁ...

ହାଇଦ୍ରାବାଦ: ବଲିଉଡ ଅଭିନେତ୍ରୀ ତଥା ବିଖ୍ୟାତ ଗୀତିକାର ଜାଭେଦ ଅଖତରଙ୍କ ପତ୍ନୀ ଶବାନା ଆଜମୀ ଶନିବାର ହୋଇଥିବା ଏକ ସଡ଼କ ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି । ପ୍ରଥମେ ତାଙ୍କୁ ଏମଜିଏମ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ପରେ ତାଙ୍କୁ ମୁମ୍ବାଇର କୋକିଲାବେନ ଧୀରୁଭାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଶବାନାଙ୍କ ସଡ଼କ ଦୁର୍ଘଟଣା କଥା ଶୁଣି ପ୍ରଧାନମନ୍ତ୍ରୀ ମୋଦି ତାଙ୍କର ଶୀଘ୍ର ସୁସ୍ଥତା କାମନା କରିଛନ୍ତି । ପ୍ରଧାନମନ୍ତ୍ରୀ ମୋଦିଙ୍କ ସମେତ ଲତା ମଙ୍ଗେସକର ଓ ଅନେକ ବଲିଉଡ ତାରକା ମଧ୍ୟ ଶବାନାଙ୍କ ଲାଗି ପ୍ରାର୍ଥନା କରିଛନ୍ତି ।

ଶବାନା ଆଜମୀଙ୍କ ଶୀଘ୍ର ସୁସ୍ଥତା କାମନା କଲେ ଲତା ମଙ୍ଗେଶକର

ଶବାନା ଆଜମୀଙ୍କ ଶୀଘ୍ର ସୁସ୍ଥତା କାମନା କଲେ ପ୍ରଧାନମନ୍ତ୍ରୀ

ସୂଚନା ଯୋଗ୍ୟ ଯେ, ଶନିବାର ଖାଲାପୁର ଟୋଲ ଗେଟ ପାଖରେ ପୁଣେ-ମୁମ୍ବାଇ ଏକ୍ସପ୍ରେସ ୱେରେ ତାଙ୍କ ଗାଡି ଏକ ଟ୍ରକ ସହ ଧକ୍କା ହୋଇ ଦୁର୍ଘଟଣା ଗ୍ରସ୍ତ ହୋଇଥିଲେ । କାରରେ ତାଙ୍କ ସହ ତାଙ୍କ ସ୍ବାମୀ ଜାଭେଦ ଅଖତର ମଧ୍ୟ ଥିଲେ । ତେବେ ଜାଭେଦ ସୁରକ୍ଷିତ ଥିବା ଜଣାପଡିଛି । ଶବାନାଙ୍କ ଡ୍ରାଇଭର ମଧ୍ୟ ଆହତ ହୋଇଥିବା ଜଣାପଡିଛି ।

ବଲିଉଡରେ ଶବାନାଙ୍କ ପାଇଁ ପ୍ରାର୍ଥନା

ଶବାନାଙ୍କ ଉଦ୍ଦେଶ୍ୟରେ ଟ୍ବିଟ କରି ପ୍ରାଧନମନ୍ତ୍ରୀ ଲେଖିଛନ୍ତି, ‘ଶବାନା ଆଜମୀଙ୍କ ଆହତ ହେବା କଥା ଶୁଣି ମର୍ମାହତ ହୋଇଛି । ତାଙ୍କ ଶୀଘ୍ର ସୁସ୍ଥ ହେବା ନେଇ ପ୍ରାର୍ଥନା କରୁଛି ।’ ଲତା ମଙ୍ଗେସକର ମଧ୍ୟ ଶବାନାଙ୍କ ପାଇଁ ପ୍ରାର୍ଥନା କରିଛନ୍ତି ।