ଅହମ୍ମଦାବାଦ: ଲୌହ ପୁରୁଷ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଆଜି 145 ତମ ଜନ୍ମଜୟନ୍ତୀ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଷ୍ଟାଚ୍ୟୁ ଅଫ ୟୁନିଟରେ ପହଞ୍ଚି ଲୌହ ପୁରୁଷଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । 2014 ରୁ ସର୍ଦ୍ଦାର ପଟେଲଙ୍କ ଜୟନ୍ତୀକୁ ରାଷ୍ଟ୍ରୀୟ ଏକତା ଦିବସ ରୂପେ ପାଳନ ହୋଇଆସୁଛି ।
ଦୁଇ ଦିନିଆ ଗୁଜୁରାଟ ଗସ୍ତରେ ଥିବା ପିଏମ ପ୍ରଥମେ ସର୍ଦ୍ଦାର ଭାଇଙ୍କୁ ଶ୍ରଦ୍ଧାଞ୍ଜଳି ଦେବା ପରେ ରାଷ୍ଟ୍ରୀୟ ଏକତା ଦିବସରେ କେଭାଡିଆରେ ଆୟୋଜିତ ଏକ ଭବ୍ୟ ପ୍ୟାରେଡରେ ସାମିଲ ହୋଇଥିଲେ। ଏହି ପରେଡରେ NSG, NDRF, ଗୁଜୁରାଟ ପୋଲିସ, CRPF ର ମହିଳା ୟୁନିଟ୍ ପରି ସୁରକ୍ଷା ଏଜେନ୍ସିମାନେ ଅଂଶଗ୍ରହଣ କରିଥିଲେ । ଏହି ଏଜେନ୍ସିଗୁଡିକ ପରେଡ ପ୍ରଦର୍ଶନ କରିଥିଲେ ।
ଲୌହମାନବ ସର୍ଦ୍ଦାର ବଲ୍ଲଭ ପଟେଲଙ୍କ ଜୟନ୍ତୀ
ଏହି ପ୍ୟାରେଡରେ ଦେଶର ସମସ୍ତ ସୁରକ୍ଷା ଏଜେନ୍ସିର ସୈନିକ ଯୋଗ ଦେଇଥିଲେ । ପରେଡ ପୂର୍ବରୁ ପିଏମ ମୋଦି ସୁରକ୍ଷା ଏଜେନ୍ସିର ସୈନିକଙ୍କୁ ଜାତୀୟ ଏକତା ଏବଂ ସୁରକ୍ଷା ଶପଥ ଗ୍ରହଣ କରାଇଥିଲେ ।