ନୂଆଦିଲ୍ଲୀ: ଆସନ୍ତା ମାର୍ଚ୍ଚ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାଂଲାଦେଶ ଗସ୍ତରେ ଯାଉଛନ୍ତି । ମାର୍ଚ୍ଚ 16 ରୁ 18 ପର୍ଯ୍ୟନ୍ତ ବାଂଲାଦେଶ ଯାତ୍ରା କରିବେ ମୋଦି । ଏହି ଗସ୍ତ ସମୟରେ ମୋଦି ନିଜ ପ୍ରତିପକ୍ଷ ଶେଖ ହସିନାଙ୍କ ସହ ଆଲୋଚନା କରିବେ । ମାର୍ଚ୍ଚ 18ରେ ଶେଖ ହାସିନାଙ୍କ ସହ ପ୍ରଧାନମନ୍ତ୍ରୀ ମୋଦିଙ୍କ ସରକାରୀ ଆଲୋଚନା ସମୟରେ ବିଭିନ୍ନ ଦ୍ବିପାକ୍ଷିକ ପ୍ରସଙ୍ଗ ଉପରେ ଆଲୋଚନା ହେବ ବୋଲି ଆଶା କରାଯାଉଛି ।
ତିନି ଦିନିଆ ବାଂଲାଦେଶ ଗସ୍ତରେ ଯାଉଥିବା ମୋଦି ମାର୍ଚ୍ଚ 16 ତାରିଖ ରାଜଧାନୀ ଢାକାରେ ପହଞ୍ଚିବେ । ମାର୍ଚ୍ଚ 17ରେ ସେ ଶେଖ ମୁଜିବୁର ରେହମାନଙ୍କ ଜନ୍ମ ଶତବାର୍ଷିକୀ ପାଳନ ପାଇଁ ଆୟୋଜିତ ଏକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ।