ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନା (ପିଏମଏମଏସୱାଇ)ର ଶୁଭାରମ୍ଭ କରିଛନ୍ତି । ଏଥିସହ କୃଷକଙ୍କ ପ୍ରତ୍ୟକ୍ଷ ବ୍ୟବହାର ପାଇଁ ଏକ ‘ଇ-ଗୋପାଲା ଆପ’ ଆରମ୍ଭ କରିଛନ୍ତି । ଏହା ବଜାର ତଥା ସୂଚନା ସମ୍ବନ୍ଧୀୟ ପୋଟାର୍ଲ । ଏହି ଅବସରରେ ପ୍ରଧାନମନ୍ତ୍ରୀ ମୋଦି ବିହାରରେ ମତ୍ସ୍ୟ ଓ ପଶୁପାଳନ କ୍ଷେତ୍ର ସହ ଜଡିତ ଅନ୍ୟ କେତେକ ଯୋଜନା ମଧ୍ୟ ଆରମ୍ଭ କରିଛନ୍ତି ।
ଏହି ସମୟରେ ମୋଦି କହିଛନ୍ତି କି ବିହାରରେ ସ୍ଥାନୀୟ ଉତ୍ପାଦକୁ ଯେତିକି ପ୍ରୋତ୍ସାହନ ମିଳିବ, ‘ଆତ୍ମନିର୍ଭର ଭାରତ ’ଅଭିଯାନକୁ ସେହି ପରିମାଣରେ ଶକ୍ତି ମିଳିବ ।
ମତ୍ସ୍ୟ ସମ୍ପଦ କ୍ଷେତ୍ର ପାଇଁ ଖର୍ଚ୍ଚ ହେବ 20,050 କୋଟି ଟଙ୍କା, ଲଞ୍ଚ ହେଲା PMMSY
ପ୍ରଧାନମନ୍ତ୍ରୀ ଭିଡିଓ କନଫରେନ୍ସି ଜରିଆରେ 20,050 କୋଟି ଟଙ୍କା ବ୍ଯୟରେ ମତ୍ସ୍ୟ ସମ୍ପଦ ଯୋଜନାର ଶୁଭାରମ୍ଭ କରି କହିଛନ୍ତି କି, ବିହାରର ଗ୍ରାମକୁ ଆତ୍ମନିର୍ଭର ଭାରତର କେନ୍ଦ୍ର କରିବା ପାଇଁ କେନ୍ଦ୍ର ସରକାର ସମସ୍ତ ପ୍ରୟାସକୁ ତୀବ୍ର କରିବେ ।
PMMSY ଅଧିନରେ 20,050କୋଟି ଟଙ୍କାର ନିବେଶ ରେକର୍ଡ ସର୍ବାଧିକ ।