ବେଙ୍ଗାଲୁର: ନିର୍ବାଚନୀ ପ୍ରଚାର ପାଇଁ ମୈଦାନରେ ହେଭିୱେଟ ନେତା । ସେଥିପାଇଁ ସବୁ ଜାତୀୟ ରାଜନୈତିକ ଦଳର ନେତାମାନେ ଘନ ଘନ ବିଭିନ୍ନ ରାଜ୍ୟ ଗସ୍ତ କରୁଛନ୍ତି । ଆଜି ଗୋଟିଏ ଦିନରେ ପ୍ରଧାନମନ୍ତ୍ରୀ ମୋଦି ଓ କଂଗ୍ରେସ ଅଧକ୍ଷ ରାହୁଲ ଗାନ୍ଧୀଙ୍କ କର୍ଣ୍ଣାଟକ ଗସ୍ତର କାର୍ଯ୍ୟକ୍ରମ ରହିଛି । ସାଧାରଣ ନିର୍ବାଚନରେ ନିଜ ନିଜ ଦଳର ପ୍ରାର୍ଥୀମାନଙ୍କୁ ସମର୍ଥନ ଦେବା ପାଇଁ ଉଭୟ କର୍ଣ୍ଣାଟକରେ 5 ଟି ରାଲିର ଉଦବୋଧନ ଦେବେ ।
ଅଧିକ ପଢନ୍ତୁ: ‘ଭୋଟ୍ ନଦେଲେ ଅଭିଶାପ ଦେବି’
କର୍ଣ୍ଣାଟକରେ ପହଞ୍ଚିବା ପରେ ମୋଦି ମାଙ୍ଗଲୋର ଓ ବେଙ୍ଗାଲୁରରେ ଆୟୋଜିତ ବିଜେପି ରାଲିରେ ସମ୍ବୋଧନ ଦେବେ ବୋଲି ଭାରତୀୟ ଜନତା ପାର୍ଟିର ମୁଖପାତ୍ର ଏସ. ଶାନ୍ତାରାଙ୍କ କହିଛନ୍ତି । ସେହିପରି ରାହୁଲ ଗାନ୍ଧୀ ରାଜ୍ୟର ସଂସଦୀୟ କ୍ଷେତ୍ର କୋଲ୍ଲାର, ଚିତ୍ରାଦୁର୍ଗ ଓ କିଆର ନଗରରେ ନିର୍ବାଚନୀ ପ୍ରଚାର କରିବେ ବୋଲି କଂଗ୍ରେସର ପଦାଧିକାରୀ ପ୍ରକାଶ ରାଠୋର ସୂଚନା ଦେଇଛନ୍ତି ।