ନୂଆଦିଲ୍ଲୀ: ଆଜି ହେଉଛି ପ୍ରୋଫେଟ ମହମ୍ମଦଙ୍କ ଜୟନ୍ତୀ ବା ମିଲାଦ-ଉନ-ନବୀ । ଏନେଇ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ନେତାଏ । ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀ ଅମିତ ଶାହା ଦେଶବାସୀଙ୍କୁ ମିଲଦ-ଉନ-ନବୀର ଶୁଭେଚ୍ଛା ଜଣାଇଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ବିଟ କରି ଲେଖିଛନ୍ତି, ‘ସମସ୍ତଙ୍କୁ ମିଲାଦ-ଉନ-ନବୀର ଶୁଭେଚ୍ଛା । ଆଶା କରେ ଏହି ଦିନ ଭାଇଚାରାକୁ ଆହୁରି ବଢେଇବ । ସମସ୍ତେ ସୁସ୍ଥ ଓ ଖୁସି ରୁହନ୍ତୁ । ଇଦ୍ ମୁବାରକ୍ । ’
ସେହିପରି ରାଷ୍ଟ୍ରପତି ମଧ୍ୟ ସମସ୍ତ ମୁସଲମାନ ଭାଇ ଓ ଭଉଣୀଙ୍କୁ ଶୁଭେଚ୍ଛା ଜଣାଇଛନ୍ତି । ସେ ଟ୍ବିଟ କରି ଲେଖିଛନ୍ତି କି, ମିଲାଦ-ଉନ-ନବୀ ବା ପ୍ରୋଫେଟ ମହମ୍ମଦଙ୍କ ଜୟନ୍ତୀ ଅବସରରେ ସମସ୍ତଙ୍କୁ ଶୁଭେଚ୍ଛା । ବିଶେଷକରି ଦେଶ ଓ ବିଦେଶରେ ରହୁଥିବା ସମସ୍ତ ମୁସଲମାନ ଭାଇ ଓ ଭଉଣୀଙ୍କୁ ଶୁଭେଚ୍ଛା । ଆସନ୍ତୁ ତାଙ୍କ ଶିକ୍ଷା ଓ କାର୍ଯ୍ୟକୁ ଅନୁସରଣ କରିବା । ସମାଜ ଓ ଦେଶରେ ଶାନ୍ତି ପ୍ରତିଷ୍ଠା କରିବା ।