ନୂଆଦିଲ୍ଲୀ: ଦେଶ ପାଳୁଛି ଗଣେଶ ଚତୁର୍ଥୀ । ଏନେଇ ସବୁଆଡେ ପୂଜାର ମାହୋଲ । ଏହି ପବିତ୍ର ଦିବସ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି ଓ ରାଷ୍ଟ୍ରପତି ରାମନାଥ କୋବିନ୍ଦ ।
ଗଣେଶ ଚତୁର୍ଥୀ: ଦେଶବାସୀଙ୍କୁ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା - ପ୍ରଧାନମନ୍ତ୍ରୀ ମୋଦି ଓ ରାଷ୍ଟ୍ରପତି
ଗଣେଶ ପୂଜା ଅବସରରେ ଦେଶବାସୀଙ୍କ ସୁଖ ସମୃଦ୍ଧି କାମନା ସହ ଟ୍ବିଟ କରି ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦି ଓ ରାଷ୍ଟ୍ରପତି।
ଫାଇଲ ଫଟୋ
ଗଣପତି ବାପ୍ପା ମୋରୟା ! ଦେଶବାସୀଙ୍କ ଜୀବନରେ ଖୁସି ଓ ଆନନ୍ଦର ଲହରୀ ଖେଳିଯାଉ। ଆଜିର ଦିନରେ ଗଜାନନ ସମସ୍ତଙ୍କ ଜୀବନରେ ଶାନ୍ତି ଫେରାଇ ଆଣନ୍ତୁ ବୋଲି ରାଷ୍ଟ୍ରପତି ଟ୍ବିଟ କରି ଜଣାଇଛନ୍ତି। ସେହିପରି ପ୍ରଧାନମନ୍ତ୍ରୀ ଦେଶବାସୀଙ୍କୁ ଶୁଭେଚ୍ଛା ଜଣାଇବା ସହ 10 ଦିନ ବ୍ୟାପି ଏହି ପୂଜାର ମଜା ନେବା ପାଇଁ ଟ୍ବିଟ କରି କହିଛନ୍ତି।
ହିନ୍ଦୁଙ୍କର ପ୍ରମୁଖ ଦେବତାଙ୍କ ମଧ୍ୟରୁ ପ୍ରଭୁ ଗଣେଶ ହେଉଛନ୍ତି ଅନ୍ୟତମ। ତେଣୁ ଜାତି, ଧର୍ମ, ନିର୍ବିଶେଷରେ ଗଣେଶଙ୍କୁ ପୂଜା କରାଯାଏ। ଓଡିଶା ସମେତ ଦେଶ-ବିଦେଶରେ ମଧ୍ୟ ଗଜାନନଙ୍କ ପୂଜା କରାଯାଏ। ବିଶେଷ କରି ମହାରାଷ୍ଟ୍ରରେ ସିଦ୍ଧି ବିନାୟକଙ୍କ ପୂଜା କରାଯାଏ। ସେଥିପାଇଁ ସାରା ଦେଶରେ ଏବେ ଉତ୍ସାହର ମାହୋଲ।