ପଞ୍ଜାବ: ରୋହିତ ମେହେରା ଓରଫ 'ଗ୍ରୀନ ମ୍ୟାନ' । ସାରା ଦେଶରେ 75ରୁ ଅଧିକ ଗ୍ରୀନ ବେଲ୍ଟର ବିକାଶ କରିଛନ୍ତି ରୋହିତ । ଆଉ ସେ ବିକଶିତ କରିଥିବା ପ୍ରତି ଗ୍ରୀନ ବେଲ୍ଟରେ ରହିଛି 600ରୁ 700 ଗଛ । ଏହିଭଳି ଭାବେ ସେ ଦେଶର କୋଣ ଅନୁକୋଣରେ ପାଖାପାଖି 8 ଲକ୍ଷ ଚାରା ରୋପଣ କରିସାରିଛନ୍ତି ।
ରୋହିତ ମେହେରା ବର୍ତ୍ତମାନ ଲୁଧିଆନାରେ ଆୟକର ବିଭାଗରେ ଯୁଗ୍ମ ନିର୍ଦ୍ଦେଶକ ଭାବରେ କାର୍ଯ୍ୟ କରୁଛନ୍ତି । ହେଲେ ସେ ନିଜ ପେଶା ଆଗରେ ପରିବେଶ ପ୍ରତି ଥିବା ତାଙ୍କ ପ୍ରେମକୁ କେବେ ବି ବାଧକ ସାଜିବାକୁ ଦେଇନାହାନ୍ତି । ଗତ 4 ବର୍ଷ ଧରି ରୋହିତ ମେହେରା ନିଜ ବଳରେ ବୃକ୍ଷରୋପଣ ଅଭିଯାନ ଚଳାଉଛନ୍ତି । ପଞ୍ଜାବର ପ୍ରତି ଜିଲ୍ଲାରେ ସେ ଗ୍ରୀନ ବେଲ୍ଟର ବିକାଶ କରିବା ବ୍ୟତୀତ ସୁରଟ, ବଡୋଦା, ମୁମ୍ବାଇ ଏବଂ ଦିଲ୍ଲୀ ସମେତ ଭାରତର ଅନ୍ୟ ସହରରେ ଏକ ଛୋଟ ଛୋଟ ଜଙ୍ଗଲ ସୃଷ୍ଟି କରି ସବୁଜ ପରିବେଶର ଛାପ ଛାଡିଛନ୍ତି ।
'ସବୁଜତା ବୃଦ୍ଧି କର, ସୁସ୍ଥ ରୁହ' ବାର୍ତ୍ତା ବାଣ୍ଟୁଛନ୍ତି 'ଗ୍ରୀନ ମ୍ୟାନ' ରୋହିତ ମେହେରା