ନୂଆଦିଲ୍ଲୀ: ହିନ୍ଦୁ ରକ୍ଷା ଦଳର ରାଷ୍ଟ୍ରୀୟ ଅଧ୍ୟକ୍ଷ ପିଙ୍କି ଚୌଧୁରୀ ସୋମବାର ଏକ ଭିଡିଓ ଜାରି କରି ଜେଏନୟୁ ହିଂସା ପାଇଁ ନିଜକୁ ଦାୟୀ କରିଥିବା ବେଳେ, ଏ ଘଟଣାରେ ସେ ଗିରଫ ହେବା ପାଇଁ ରାଜି ଥିବା ପ୍ରକାଶ କରିଛନ୍ତି। ସୋମବାର ବିଳମ୍ବିତ ରାତିରେ ତାଙ୍କ ଘରେ ପୋଲିସ ପହଞ୍ଚି ଥିଲା।
ପିଙ୍କି ଚୌଧୁରୀ ଏହା ମଧ୍ୟ କହିଛନ୍ତି ଯେ, ପୂର୍ବରୁ ଅରବିନ୍ଦ କେଜ୍ରିୱାଲଙ୍କ ଅଫିସରେ ଯେଉଁ ଆକ୍ରମଣ ହୋଇଥିଲେ ସେଥିରେ ମଧ୍ୟ ସେ ଜଡିତ ଅଛନ୍ତି। ଯଦି ଦେଶ ବିରୋଧି ଗତିବିଧି ସେ ଦେଖିବାକୁ ପାଇବେ ତେବେ ସେ ଆଗକୁ ମଧ୍ୟ ବିଶ୍ବବିଦ୍ୟାଳୟ ଉପରେ ଆକ୍ରମଣ କରିବେ।
ଏନେଇ ସେ କହିଛନ୍ତି ଯେ, ଆଇନ ଦ୍ବାରା କୌଣସି କାର୍ଯ୍ୟ ହୋଇପାରିବ ନାହିଁ। ବେଆଇନ ଭାବେ ସମସ୍ତ କାର୍ଯ୍ୟ କରିବାକୁ ପଡିବ। ଏଥିପାଇଁ ସେ ଜେଲ ଯିବାକୁ ମଧ୍ୟ ଡରନ୍ତି ନାହିଁ।
