ନୂଆଦିଲ୍ଲୀ: ଜାମିଆ ମିଲିଆ ହିଂସାକୁ ନେଇ କ୍ରାଇମବ୍ରାଞ୍ଚର ଯାଞ୍ଚରେ ଏସଆଇଟି 70 ଅଭିଯୁକ୍ତଙ୍କ ଫଟୋ ଜାରି କରିଛି । ପୋଲିସ ପୋଷ୍ଟରେ ଲାଗିଥିବା ସିସିଟିଭିରୁ ଏହି ଫଟୋ ମିଳିଥିବା ଜଣା ପଡିଛି । ଜାରି ହୋଇଥିବା 70 ଜଣଙ୍କ ଅଭିଯୁକ୍ତଙ୍କ ଫଟୋ ଦେଖି ସେମାନଙ୍କ ଚିହ୍ନଟ କରିବାରେ ସହଯୋଗ କରିବା ପାଇଁ ଜନସାଧାରଣଙ୍କୁ ଅପିଲ କରିଛି ପୋଲିସ ।
15 ଡିସେମ୍ବର ଜାମିଆ ଅଞ୍ଚଳରେ ହିଂସା ହୋଇଥିଲା । ପ୍ରଦର୍ଶନକାରୀ ପୋଲିସ ଉପରକୁ ପଥର ଫିଙ୍ଗିଥିଲେ । ଅନ୍ୟପକ୍ଷେ ଭିଡକୁ କାବୁ କରିବା ପାଇଁ ପୋଲିସ ପ୍ରଦର୍ଶନକାରୀଙ୍କ ଉପରେ ଲାଠି ଚାର୍ଜ କରିଥିଲା । ଏହି ଘଟଣାରେ 2ଟି ମାମଲା ରୁଜୁ ହୋଇଥିଲା । ଜାମିଆରେ ହୋଇଥିବା ହିଂସାର ଯାଞ୍ଚ କ୍ରାଇମବ୍ରାଞ୍ଚର ଏସଆଇଟିକୁ ହସ୍ତାନ୍ତର କରିଦିଆଯାଇଥିଲା ।
ବର୍ତ୍ତମାନ ପର୍ଯ୍ୟନ୍ତ ନାଗରିକତା ସଂଶୋଧନ ଆଇନକୁ ନେଇ ଦିଲ୍ଲୀରେ 102 ଲୋକଙ୍କୁ ଗିରଫ କରାଯାଇସାରିଲାଣି । କିଛି ଅନ୍ୟ ଅଭିଯୁକ୍ତଙ୍କ ଚିହ୍ନଟ ହୋଇଥିବା ବେଳେ ସେମାନଙ୍କର ତଲାସ ଜାରି ରହିଛି ।