କୋଲକତା: ପଶ୍ଚିମ ଓଡିଶାରେ ଜୟ ଶ୍ରୀରାମ ନାରା ଲଗାଇବାକୁ ନେଇ ଅନେକ ସମୟରେ ହିଂସା ଦେଖିବାକୁ ମିଳିଛି । ଆଉ ନାରା ଲଗାଇଥିବା ବ୍ୟକ୍ତିକୁ ଦଣ୍ଡ ଦିଆଯାଉଛି । ତେବେ ଏହି ନାରା ଲଗାଇବା ଏକ ମୌଳିକ ଅଧିକାର ବୋଲି ଘୋଷିତ କରିବା ପାଇଁ କୋଲକତା ହାଇକୋର୍ଟରେ ଏକ ଯାଚିକା ଦାୟର ହୋଇଛି । ତେବେ କୋର୍ଟ ଏହି ମାମଲାର ଶୁଣାଣି ସ୍ତଗିତ ରଖି ଆସନ୍ତା 4 ସପ୍ତାହ ପରେ ଏହାର ଶୁଣାଣି ହେବା ନେଇ ସୂଚନା ଦେଇଛନ୍ତି ।
ଜୟ ଶ୍ରୀରାମ ନାରା ଉପରେ ଲାଗିବ ରୋକ, କୋଲକତା ହାଇକୋର୍ଟରେ ଦାୟର ହେଲା ଯାଚିକା - kolkata
ଜୟ ଶ୍ରୀରାମ ନାରା ଦେବା କୌଣସି ଦଣ୍ଡନୀୟ ଅପରାଧ ନୁହେଁ । ଏହି ନାରା ଲଗାଇବା ଏକ ମୌଳିକ ଅଧିକାର ବୋଲି ଘୋଷିତ କରିବା ପାଇଁ କୋଲକତା ହାଇକୋର୍ଟରେ ଦାୟର ହୋଇଚି ଯାଚିକା ।
ପ୍ରତିକାତ୍ମକ ଫଟୋ
ମୁଖ୍ୟ ନ୍ୟାୟଧୀଶ ଟିବିଏନ ରାଧାକୃଷଣ୍ଣନ ଅଧ୍ୟକ୍ଷତାରେ ଚାଲିଥିବା ଖଣ୍ଡପୀଠରେ ଯାଚିକା ଦାୟର କରିବା ସହ ଜୟ ଶ୍ରୀରାମ ନାରା ଲଗାଇବା ମୌଳିକ ଅଧିକାର ବୋଲି ଘୋଷିତ ହେବା ଦରକାର ବୋଲି ନିଜର ମତ ରଖିଛନ୍ତି ଓକିଲ ପାର୍ଥ ଘୋଷ । ସେ ଆହୁରି କହିଛନ୍ତି ଯେ, ଭଗବାନ ଶ୍ରୀରାମଙ୍କ ନାରା ଲଗାଇବା ଓ ପୂଜାର୍ଚ୍ଚନା କରିବା କୌଣସି ଅପରାଧ ନୁହଁ ତେଣୁ ଏଥିପାଇଁ କୌଣସି ଦଣ୍ଡ ବିଧାନ କରିବାର ଆବଶ୍ୟକତା ନାହିଁ । ତେଣୁ ଏହାଉପରେ କୋର୍ଟ ଖୁବଶିଘ୍ର ନିଷ୍ପତ୍ତି ନେବା ଜରୁରୀ ଅଟେ ।
କିଛି ଦିନ ପୂର୍ବେ ତୃଣମୂଳ କଂଗ୍ରେସ ଅଧ୍ୟକ୍ଷ ଓ ପଶ୍ଚିମବଙ୍ଗଳା ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ରାଲିକୁ ରୋକିବା ପାଇଁ ବିଜେପି ନେତା ମାନେ ଜୟ ଶ୍ରୀରାମଙ୍କ ନାରା ଦେଇଥିଲେ । ଏହି ବିରୋଧ ପ୍ରଦର୍ଶନକୁ ନେଇ ମମତା ବାନାର୍ଜି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ଏହାପରେ ମମତାଙ୍କ ବିରୋଦ୍ଧାରେ ଦେଶ ସାରା ବିରୋଧ ପ୍ରଦର୍ଶନ କରାଯାଇଥିଲା । ଖାଲି ସେତିକି ନୁହେଁ ବାରଣାସୀର ସାଧୁ ସନ୍ଥ ମାନେ ମମତାଙ୍କ ବିରୋଦ୍ଧରେ ଜୟ ଶ୍ରୀରାମ ଲେଖି ପୋଷ୍ଟକାର୍ଡ ପଠାଇଥିଲେ ।