ହାଇଦ୍ରାବାଦ: ରିଜିଓନାଲ କମ୍ପ୍ରେହେନ୍ସିଭ୍ ଇକୋନୋମିକ୍ ପାର୍ଟନରଶିପ୍ (ଆରସିଇପି) ଚୁକ୍ତିକୁ ନେଇ ଏବେ ଚର୍ଚ୍ଚା । ଥାଇଲାଣ୍ଡ ଯାତ୍ରାରେ ମୋଦି ଥିବା ବେଳେ ଆରସିଇପି ଚୁକ୍ତିରୁ ଭାରତ ଓହରିଯାଇଥିଲା । ଏନେଇ ଅଷ୍ଟ୍ରେଲିଆର ପୂର୍ବ କୂଟନୀତିଜ୍ଞ ପିଟର୍ ଭର୍ଗିଜ ଦିଲ୍ଲୀ ପହଞ୍ଚିଛନ୍ତି । ଉଭୟ ଆଞ୍ଚଳିକ ଓ ଜାତୀୟ ସ୍ତରରେ ଆରସିଇପି ପାଇଁ ଭାରତର ଇଚ୍ଛା ଅଛି ବୋଲି ଯୁକ୍ତି କରିଛନ୍ତି ଭର୍ଗିଜ୍ । ଏନେଇ ଅଧିକ ଚର୍ଚ୍ଚା ପାଇଁ ନୂଆଦିଲ୍ଲୀରେ ସିଆଇଆଇ ପକ୍ଷରୁ ଏକ ସମ୍ମିଳନୀର ଆୟୋଜନ କରାଯାଇଥିଲା ଓ ଏଥିରେ ଆଗାମୀ ଭବିଷ୍ୟତରେ ଭାରତ ଆରସିଇପି ସହ ନିଶ୍ଚିତ ମିଶିବ ବୋଲି ଆଶା ରଖିଛନ୍ତି ଭର୍ଗିଜ୍ ।
ଯଦି ବିଶ୍ବର ଅର୍ଥନୀତି ଓ ବ୍ୟାପାର ଉଦାରୀକରଣ ସାମ୍ନାରେ ଥିବା ପ୍ରତିବନ୍ଧକ ଉପରେ ଦୃଷ୍ଟି ରଖୁଛେ ତେବେ ଏକ ଚୁକ୍ତିର ଆବଶ୍ୟକତା ରହିଛି । ଏହା ବିଶ୍ବର ଏକ ତୃତୀୟାଂଶ ଜିଡିପି ଓ ଏକ ତୃତୀୟାଂଶ ଜନସଂଖ୍ୟାକୁ ସାମିଲ କରିପାରିବା ବୋଲି କହିଛନ୍ତି ଭର୍ଗିଜ୍ । ବ୍ୟାପାର ଉଦାରୀକରଣକୁ ଗମ୍ଭୀରତାର ସହ ନିଆଯାଉଛି, ଯାହା ବର୍ତ୍ତମାନ ପାଇଁ ଜରୁରୀ । ଭାରତର ଆର୍ଥିକ ଦୃଷ୍ଟି ଓ ଆଂକାକ୍ଷାରୁ ଏହା ଜଣାପଡୁଛି ଯେ, ଭାରତ ନିଶ୍ଚିତ ଆରସିଇପି ସହ ସାମଲି ହେବ ବୋଲି ଜୋର୍ ଦେଇଛନ୍ତି ଭର୍ଗିଜ୍ ।
ଏହି ବିଷୟକୁ ନେଇ ଇଟିଭି ଭାରତର ବରିଷ୍ଠ ସାମ୍ବାଦିକା ସ୍ମିତା ଶର୍ମା, ପିଟର ଭର୍ଗିଜଙ୍କ ସହ ସ୍ବତନ୍ତ୍ର ସାକ୍ଷାତକାର କରିଛନ୍ତି । ଆସନ୍ତୁ ସାକ୍ଷାତକାର ବିଷୟରେ ଜାଣିବା...
ପ୍ରଶ୍ନ-ଭାରତ ଅର୍ଥବ୍ୟବସ୍ଥା ରଣନୀତି ରିପୋର୍ଟ ଉପରେ କଣ ମହତ୍ତ୍ବପୂର୍ଣ୍ଣ ପ୍ରଗତି ହୋଇଛି ?
ଉତ୍ତର-ଯେଉଁଠାରେ ପ୍ରଗତି ହୋଇଛି, ସେଠାରେ ଭାରତ ଜାଣିଶୁଣି ପଦ୍ଧତିଗତ ଦୃଷ୍ଟିକୋଣକୁ ଆପଣେଇଛନ୍ତି । କାର୍ଯ୍ୟ ଉପରେ ସୁନିଶ୍ଚିତ ପ୍ରଗତି କରିବା ପାଇଁ ଆମ ପାଖରେ ବର୍ତ୍ତମାନ ଏକ ହତିଆର ଅଛି ।
ପ୍ରଶ୍ନ-ଆରସିଇପିରୁ ଭାରତ ଓହରିବା ପରେ ବିଶ୍ବକୁ କଣ ବାର୍ତ୍ତା ଦେବେ ?
ଉତ୍ତର- ଆରସିଇପି ଭାରତ ସହ ଏକ ଦୃଢ ଚୁକ୍ତି କରିବାକୁ ଚାହେଁ । ଭାରତ ଓହରିଯିବ ବୋଲି ମୁଁ କେବେ ଭାବିନଥିଲି, କିନ୍ତୁ ଭାରତ ଯୋଡି ହେବ ବୋଲି ଆମର ଆଶା । ଆରସିଇପି ଦ୍ବାରା ଭାରତ ପାଇଁ ସର୍ବଦା ଖୋଲା ।
ପ୍ରଶ୍ନ- ଭାରତୀୟ ଉଦ୍ୟୋଗପତିଙ୍କ ମତରେ ଭାରତରେ ଶସ୍ତା ଚିନ ସାମଗ୍ରୀ ଭାରତରେ ବୃଦ୍ଧି ପାଉଛି ଓ ଏସିଆନ ଦେଶଙ୍କ ସହ ଏଫଟିଏ କାରଣରୁ ବ୍ୟାପାର କ୍ଷତି ସହୁଛି ବୋଲି ସରକାର ତର୍କ କରୁଛି, ଆପଣଙ୍କ ମତ ?