ଭୋପାଳ: କୋରୋନା ସଂକ୍ରମଣକୁ ରୋକିବାକୁ ପ୍ରଧାନମନ୍ତ୍ରୀଙ୍କ ଆହ୍ବାନ କ୍ରମେ ରବିବାର ଜନତା କର୍ଫ୍ୟୁ ପାଳନ କରାଯାଇଥିଲା । ଏହା ସହ ଜରୁରୀ ସେବା ପ୍ରଦାନ କରୁଥିବା ବ୍ୟକ୍ତି ବିଶେଷ ମାନଙ୍କୁ କୃତଜ୍ଞତା ଜଣାଇବା ପାଇଁ ଦେଶବାସୀ ଘଣ୍ଟ, ଘଣ୍ଟି, ଥାଳି ଆଦି ବଜାଇଥିଲେ । ତେବେ ଏହା ମଧ୍ୟରେ ମଧ୍ୟପ୍ରଦେଶର ମନ୍ଦସୌରରେ ଏକ ନିଆରା ଚିତ୍ର ଦେଖିବାକୁ ମିଳିଥିଲା ।
ଗତ ରବିବାର ଯେତେବେଳେ ଜରୁରୀ ସେବା ପ୍ରଦାନ କରୁଥିବା ବ୍ୟକ୍ତି ବିଶେଷ ମାନଙ୍କୁ କୃତଜ୍ଞତା ଜଣାଇବା ପାଇଁ ସଂନ୍ଧ୍ୟା 5ଟାରେ ଦେଶବାସୀ ଘଣ୍ଟ, ଘଣ୍ଟି, ଥାଳି ଆଦି ବଜାଉଥିଲେ ସେହି ସମୟରେ ମନ୍ଦସୌରରେ ହଠାତ୍ ରାସ୍ତାରେ ଲୋକଙ୍କ ଭିଡ ଦେଖିବାକୁ ମିଳିଥିଲା । ପୋଲିସ ଲୋକମାନଙ୍କୁ ଭିଡ ନଜମାଇବା ପାଇଁ ଅନୁରୋଧ କରିଥିଲେ । ମାତ୍ର ଲୋକେ ପୋଲିସଙ୍କୁ ଖାତିର ନକରି ଥାଳି ଗିନା ବଜାଇ ମୌଜ ମଜଲିସ୍ କରୁଥିଲେ ।