ନୂଆଦିଲ୍ଲୀ: ଦିଲ୍ଲୀ ଫଳାଫଳ ପରେ ନ୍ୟାସନାଲ ଡେମୋକ୍ରାଟିକ୍ ଆଲିୟାନ୍ସ(ଏନଡିଏ)ର ସହଯୋଗୀ ଲୋକ ଜନଶକ୍ତି ପାର୍ଟି(ଏଲଜେପି)ର ଜାତୀୟ ସଭାପତି ଚିରାଗ ପାଶୱାନଙ୍କ ବଡ ବୟାନ । ବିଜୟ ପାଇଁ କେଜ୍ରିୱାଲଙ୍କୁ ଶୁଭେଚ୍ଛା ଜଣାଇଛନ୍ତି କେନ୍ଦ୍ରମନ୍ତ୍ରୀ ରାମ ବିଳାସ ପାଶୱାନଙ୍କ ପୁଅ ଚିରାଗ ପାଶୱାନ । ଏହା ଜନତାଙ୍କ ପାଇଁ କରିିଥିବା କାମର ପୁରସ୍କାର ବୋଲି କହିଛନ୍ତି ଚିରାଗ ।
ଦିଲ୍ଲୀରେ ୭୦ଟି ଆସନ ମଧ୍ୟରୁ ୬୨ଟି ଆସନରେ ବିଜୟ ଲାଭ କରିବା ସହ ଆପ ନିରଙ୍କୁଶ ସଂଖ୍ୟା ଗରିଷ୍ଠତା ହାସଲ କରିଛି । ଜାତୀୟ ଦଳ ବିଜେପିକୁ ମିଳିଛି ମାତ୍ର 8 ଆସନ ଓ ଦେଶର ସର୍ବପୁରାତନ ଦଳ ଖାତା ଖୋଲିବାରେ ସକ୍ଷମ ହୋଇନାହିଁ । ଆମ ଆଦମୀ ପାର୍ଟିର ବିପୁଳ ବିଜୟ ପରେ ଜନତା କାମ ଆଧାରରେ ପୁରସ୍କାର ପ୍ରଦାନ କରିଛନ୍ତି ବୋଲି କହିଛନ୍ତି ଚିରାଗ ପାଶୱାନ ।