ପାଣାଜୀ: ବିକ୍ରି ହେଉନି ମାଛ । ଗୋଆରେ ମାଛ ବ୍ୟବସାୟୀଙ୍କୁ ଘାରିଛି ଚିନ୍ତା । ଅଧା ମୂଲ୍ୟରେ ମାର୍କେଟରେ ବିକୁଛନ୍ତି ବେପାରୀ । ପରିସ୍ଥିତି ଦେଖି ସରକାରଙ୍କ ସାହାଯ୍ୟ ଲୋଡିଛନ୍ତି ବ୍ୟବସାୟୀ ।
ଗୋଆରେ ମାଛ ବ୍ୟବସାୟୀଙ୍କ ବେପାର ଖୁବ ଭଲ ଜମିଥାଏ । ବିଶେଷ କରି ଅଗଷ୍ଟରୁ ନଭେମ୍ବର ଯାଏଁ ଏମାନଙ୍କର ଭଲ ଆୟ ହୋଇଥାଏ । ହେଲେ ଗତବର୍ଷ ଏହି ସମୟରେ ଆସିଥିଲା 7ଟି ବାତ୍ୟା । ସମୁଦ୍ରରେ ମାଛ ଧରିବା ସମ୍ଭବ ହୋଇନଥିଲା । ଫଳରେ ଜାନୁୟାରୀ ଯାଏଁ ମାଛ ଧରା ଚାଲିଥିଲା । ତେବେ ଯାହା କିଛି ଭଲ ଆୟ ହୋଇଥାନ୍ତା ଏବର୍ଷ ମାର୍ଚ୍ଚରେ କୋରୋନା ଯୋଗୁଁ ଘୋଷିତ ଲକଡାଉନ ସବୁ ଆଶା ଭାଙ୍ଗିଦେଇଛି । ଆଉ ଥରେ ମାଛ ଧରା ଆରମ୍ଭ ହୋଇଛି । ହେଲେ ଆର୍ଥିକ ସମସ୍ୟା ଦେଖାଦେଇଥିବା କହିଛନ୍ତି ଟ୍ରଲର ଆସୋସିଏସନ କର୍ମକର୍ତ୍ତା ।