'ଜମ୍ମୁ କଶ୍ମୀର ଭାରତର ଅଭିନ୍ନ ଅଙ୍ଗ ବୋଲି ପାକିସ୍ତାନ-ଆମେରିକାର ସ୍ବୀକାର'

ଜମ୍ମୁ କଶ୍ମୀର ଦେଶର ଅଭିନ୍ନ ଅଙ୍ଗ ବୋଲି, ଭାରତର ପାରମ୍ପରିକ ପ୍ରତିଦ୍ବନ୍ଦୀ ପାକିସ୍ତାନ ଏବଂ ଏହାର ପୁରୁଣା ସହଯୋଗୀ ଆମେରିକା ମଧ୍ୟ ସ୍ବୀକାର କରିଥିବା କହିଛନ୍ତି ପଦ୍ମ ଭୂଷଣ ପାଇଁ ମନୋନୀତ ହୋଇଥିବା ପିଡିପି ନେତା ମୁଜଫର ହୁସେନ । ଅଧିକ ପଢନ୍ତୁ...

ଶ୍ରୀନଗର: ପଦ୍ମ ଭୂଷଣ ସମ୍ମାନ ପାଇଁ ମନୋନୀତ ହୋଇଥିବା ପିପୁଲ୍ସ ଡେମୋକ୍ରେଟିକ ପାର୍ଟିର ବରିଷ୍ଠ ନେତା ମୁଜଫର ହୁସେନ ଜମ୍ମୁ କଶ୍ମୀରକୁ ନେଇ ପ୍ରତିକ୍ରିୟା ରଖିଛନ୍ତି । ଏହା ଦେଶର ଅଭିନ୍ନ ଅଙ୍ଗ । ଯାହାକୁ ଭାରତର ପାରମ୍ପରିକ ପ୍ରତିଦ୍ବନ୍ଦୀ ପାକିସ୍ତାନ ଏବଂ ଆମେରିକା ସ୍ବୀକାର କରିଥିବା କହିଛନ୍ତି ସେ । ଏହା ସହିତ ଏଠାରେ କୌଣସି ପରିସ୍ଥିତିରେ ଜନମତ ସଂଗ୍ରହ କରାଯାଇ ପାରିବ ନାହିଁ ବୋଲି କହିଛନ୍ତି ସେ ।

ରବିବାର 71 ତମ ସାଧାରଣତନ୍ତ୍ର ଦିବସ ଅବସରରେ ଗଣମାଧ୍ୟମକୁ ସମ୍ବୋଧିତ କରି ସେ କହିଛନ୍ତି, ' ଜମ୍ମୁ କଶ୍ମୀରରେ କୌଣସି ପରିସ୍ଥିତିରେ ଜନମତ ସଂଗ୍ରହ କରାଯାଇ ପାରିବ ନାହିଁ । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଜମ୍ମୁ କଶ୍ମୀରକୁ ସ୍ବାୟତତ୍ତା ଦେବାକୁ କହୁଛନ୍ତି । ଏହାର ଅର୍ଥ ସେମାନେ ମଧ୍ୟ ସ୍ବୀକାର କରିସାରିଛନ୍ତି ଯେ ଏହି ଅଞ୍ଚଳ ଭାରତର ଅଭିନ୍ନ ଅଙ୍ଗ । ଭାରତୀୟ ସମ୍ବିଧାନ ଅନୁସାରେ ଜ ମ୍ମୁ କାଶ୍ମୀରକୁ ସମସ୍ତ ସୁବିଧା ମିଳୁ ବୋଲି ଆମେ ଦାବି କରୁଛୁ । '

ଗତକାଲି କେନ୍ଦ୍ର ସରକାର ବର୍ଷ 2020 ପାଇଁ ପଦ୍ମ ପୁରସ୍କାର ଘୋଷଣା କରିଥିଲେ । ମୁଜଫର ହୁସେନଙ୍କ ସମେତ ଚଳିତ ଥର 7 ଜଣଙ୍କୁ ଦେଶର ଦ୍ଵିତୀୟ ସର୍ବୋଚ୍ଚ ବେସାମରିକ ସମ୍ମାନ ପଦ୍ମ ଭୂଷଣ ସମ୍ମାନରେ ସମ୍ମାନିତ କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି ।