ନୂଆଦିଲ୍ଲୀ:ସବୁଠି କୋରୋନା ଭୟ । ହେଲେ ନିଜ ଜୀବନକୁ ପାଣି ଛଡାଇ ଅନ୍ୟ ପାଇଁ ଯୋଦ୍ଧାର କାମ କରୁଥିବା ଦିଲ୍ଲୀ ପୋଲିସ ଏବେ ପୁଣି ଚର୍ଚ୍ଚାରେ ରହିଛି । ଶୁଣିଲେ ଆଶ୍ଚର୍ଯ୍ୟ ଲାଗିବ କିନ୍ତୁ କଥାଟି ସତ । ପିସିଆର ଭ୍ୟାନରେ ପ୍ରସୂତିଙ୍କୁ ମେଡିକାଲ ନିଆଯାଉଛି । କେବଳ ପ୍ରସୂତି ନୁହେଁ, ଗୁରୁତର ରୋଗୀଙ୍କୁ ମଧ୍ୟ ସାହାଯ୍ୟ କରୁଛି ପୋଲିସ ।
24 ଘଣ୍ଟାରେ, 20 ପ୍ରସୂତିଙ୍କୁ ପିସିଆରରେ ବୋହିଲା ଦିଲ୍ଲୀ ପୋଲିସ
ଗତ 24 ଘଣ୍ଟା ମଧ୍ୟରେ, 20 ଜଣ ଗର୍ଭବତୀ ମହିଳାଙ୍କୁ ପିସିଆର ଦ୍ବାରା ବିଭିନ୍ନ ଡାକ୍ତରଖାନାକୁ ନିଆଯାଇଥିଲା । ଏପରିକି ଜଣେ ମହିଳା ଭ୍ୟାନ ମଧ୍ୟରେ ଏକ ସନ୍ତାନ ମଧ୍ୟ ଜନ୍ମ ଦେଇଥିଲେ । ଲକ ଡାଉନ ପରଠାରୁ ପାଖାପାଖି 813 ପ୍ରସୂତିଙ୍କୁ ପିସିଆର ମାଧ୍ୟମରେ ମେଡିକାଲରେ ଭର୍ତ୍ତି କରାଯାଇଛି ।