ନୂଆଦିଲ୍ଲୀ: ଆଜି ମୌସୁମୀ ଅଧିବେଶନରେ ନବମ ଦିନରେ ରାଜ୍ୟସଭାରେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଇନଫରମେସନ ଟେକ୍ନୋଲୋଜି ଆଇନ (ସଂଶୋଧନ) ବିଲ-2020 ପାରିତ ହୋଇଯାଇଛି । ଧ୍ବନି ମତରେ ଏହି ବିଲ ପାସ ହୋଇଛି । ତେବେ ଏହି ବିଲକୁ ବିଜେଡି ପକ୍ଷରୁ ସମର୍ଥନ କରାଯାଇଛି ।
ରାଜ୍ୟସଭାରେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଇନଫରମେସନ ଟେକ୍ନୋଲୋଜି ଆଇନ (ସଂଶୋଧନ) ବିଲ ପାସ
ବିଜେଡି ପକ୍ଷରୁ ଏହି ଆଲୋଚନାରେ ସସ୍ମିତ ପାତ୍ର ଭାଗ ନେଇଥିଲେ। ଏହି ବିଲକୁ ପିତାମାତାଙ୍କୁ କାର୍ଯ୍ୟରେ ନିୟମିତ କରିବା ପରିବର୍ତ୍ତେ ଡିଗ୍ରୀ ପ୍ରଦାନ କ୍ଷମତା ପ୍ରଦାନ କରିବାକୁ ନିଶ୍ଚିତ କରିବାକୁ ସେ ପରାମର୍ଶ ଦେଇଛନ୍ତି । ଏପରିକି ଭୁବନେଶ୍ବର ଆଇଆଇଆଇଟିରେ ଫି’ ବୃଦ୍ଧିକୁ ନେଇ ପିଲାଙ୍କ କଲେଜ ବୟକଟ କଥା ଉଠାଇବା ସହ ଏହାର ସମାଧାନ ଦିଗରେ ଧ୍ୟାନ ଦେବାକୁ କହିଥିଲେ । କୋରୋନା ସମୟରେ ଏକ ରିସର୍ଚ୍ଚ ସେଣ୍ଟର ଖୋଲିବାକୁ ମଧ୍ୟ ସେ ଦାବି ରଖିଥିଲେ । ସେହିପରି ଓଡିଶାର ଏକମାତ୍ର କେନ୍ଦ୍ରୀୟ ବିଶ୍ବବିଦ୍ୟାଳୟରେ ଅଧ୍ୟାପକଙ୍କ ନିଯୁକ୍ତିରେ ବିଳମ୍ବ କରାଯାଉଥିବା ନେଇ ମଧ୍ୟ କହିଥିଲେ ।