ଶ୍ରୀନଗର: ପରିସ୍ଥିତି ଖରାପ ଥିବାବେଳେ ଏହାର ଫାଇଦା ଉଠାଇବା କୌଶଳ ପାକିସ୍ତାନକୁ ଭଲ ଭାବେ ଜଣା । ପାକିସ୍ତାନ ପାଇଁ ଏହା କୌଣସି ନୂଆ କଥା ନୁହେଁ । କୋରୋନାକୁ ନେଇ ଦେଶର ସ୍ଥିତି ଖରାପ ଥିବାବେଳେ ସୀମାରେ ପାକ୍ ନିଜର ଔଦ୍ଧତାମୀ ଦେଖାଇଛି ।
କିଛି ଦିନ ବ୍ୟବଧାନରେ ପୁଣି ସୀମାରେ ପାକିସ୍ତାନ ସେନା ଗୁଳିମାଡ କରିଛି । ଶନିବାର ପ୍ରାୟ ସନ୍ଧ୍ୟା ସାଢେ 7ଟାରେ ପୁଞ୍ଚର ଦେଘୱାର ସେକ୍ଟରରେ ଏହି ଅସ୍ତ୍ରବିରତି ଉଲ୍ଲଙ୍ଘନ ହୋଇଛି । ଭାରତୀୟ ପୋଷ୍ଟ ଉପରକୁ ଗୁଳି ଓ ମୋର୍ଟାର ମାଡ କରିଛି ପାକ୍ ସେନା ।