ଇଲସାମାବାଦ: ନଭେମ୍ବର 9 ତାରିଖରୁ ଭାରତୀୟ ଶିଖ ଶ୍ରଦ୍ଧାଳୁଙ୍କ ପାଇଁ ଖୋଲିବ କରତାରପୁର କରିଡର । ଗୁରୁ ନାନକଙ୍କ ୫୫୦ତମ ଜୟନ୍ତୀର 3 ଦିନ ପୂର୍ବରୁ କରତାପୁର କରିଡର ଖୋଲି ଦିଆଯିବ ବୋଲି ସୋମବାର ପାକିସ୍ତାନର ଜଣେ ଅଧିକାରୀ ଘୋଷଣା କରିଛନ୍ତି । ନଭେମ୍ବର ୧୧ ଓ ୧୨ରେ ଶିଖ୍ ଗୁରୁ ନାନକ ଦେବଜୀଙ୍କ ପ୍ରକାଶ ପର୍ବ ପାଳନ କରାଯିବ। ପ୍ରାରମ୍ଭରୁ ପ୍ରତିଦିନ ୫୦୦୦ ଶ୍ରଦ୍ଧାଳୁଙ୍କୁ ଆସିବାକୁ ଅନୁମତି ଦିଆଯିବ ଏବଂ ପରେ ଏହା ୧୦,୦୦୦କୁ ବୃଦ୍ଧି କରାଯିବ ବୋଲି ସେ କହିଛନ୍ତି ।
ନଭେମ୍ବର 9 ରୁ ଖୋଲିବ କରତାରପୁର କରିଡର - kartarpur corridor will open in november
ନଭେମ୍ବର 9 ତାରିଖରୁ ଭାରତୀୟ ଶିଖ ଶ୍ରଦ୍ଧାଳୁଙ୍କ ପାଇଁ ଖୋଲିବ କରତାରପୁର କରିଡର । ପ୍ରାରମ୍ଭରୁ ପ୍ରତିଦିନ ୫୦୦୦ ଶ୍ରଦ୍ଧାଳୁଙ୍କୁ ଆସିବାକୁ ଅନୁମତି ଦିଆଯିବ ଏବଂ ପରେ ଏହା ୧୦,୦୦୦କୁ ବୃଦ୍ଧି କରାଯିବ ବୋଲି ସେ କହିଛନ୍ତି ।
ଫାଇଲ ଫଟୋ
ସେ କହିଛନ୍ତି, କରତାରପୁର କରିଡରର ପ୍ରାୟ 86 ପ୍ରତିଶତ କାମ ସମ୍ପୁର୍ଣ୍ଣ ହୋଇସାରିଛି । ବଳକା କାମ ଆସନ୍ତା ମାସ ସୁଦ୍ଧା ସମ୍ପୁର୍ଣ୍ଣ ହୋଇଯିବ । ଏହା ବ୍ୟତୀତ ପ୍ରବାସୀଙ୍କ ପାଇଁ ମୋଟ୍ ୧୫୨ କାଉଣ୍ଟର ସ୍ଥାପିତ କରାଯିବ ବୋଲି ସେ କହିଛନ୍ତି ।
କରତାରପୁର କରିଡରକୁ ନେଇ ଦୀର୍ଘ ଦିନର ଆଲୋଚନା ପରେ ଦୁଇ ଦେଶ ମଧ୍ୟରେ ଅନେକ ପ୍ରସଙ୍ଗ ଉପରେ ସହମତି ପ୍ରକାଶ ପାଇଛି। ଭାରତ ଓ ପାକିସ୍ତାନ ଶ୍ରଦ୍ଧାଳୁଙ୍କ ଭିସାମୁକ୍ତ ଯାତ୍ରା ଉପରେ ଉଭୟ ଦେଶ ରାଜି ହୋଇଛନ୍ତି। ପାକିସ୍ତାନ ପ୍ରଥମେ ଶ୍ରଦ୍ଧାଳୁଙ୍କଠୁ ସେବା ଶୁଳ୍କ ନେବା ଏବଂ ପ୍ରୋଟୋକଲ ଅଧିକାରୀଙ୍କୁ ଆସିବାକୁ ଅନୁମତି ନଦେବାକୁ ଅଡ଼ି ବସିଥିଲା କିନ୍ତୁ ପରେ ଏହି ମାମଲାର ସମାଧାନ ହୋଇଥିଲା।