ଇସଲାମାବାଦ: ଜମ୍ମୁ-କାଶ୍ମୀରରୁ ଧାରା 370 ଉଚ୍ଛେଦ ପର ଠାରୁ ଭାରତ ସହ ସମସ୍ତ ବାଣିଜ୍ୟିକ ସମ୍ପର୍କ ଶେଷ କରିଥିଲା ପାକିସ୍ତାନ। ତେବେ ଏହି ନିଷ୍ପତ୍ତି ଏବେ ପାକିସ୍ତାନ ପାଇଁ ଭାରି ପଡିଛି । ବ୍ୟାପାର ବନ୍ଦ କରିବାର ମାସେ ନ ପୁରୁଣୁ ଆଣ୍ଠେଇଛି ପାକିସ୍ତାନ । ପାକିସ୍ତାନରେ ଔଷଧ ଶେଷ ହୋଇଯିବା ପରେ ଜୀବନ ବଞ୍ଚାଇବା ପାଇଁ ପୁଣି ଥରେ ଭାରତ ଉପରେ ନିର୍ଭର କରିବା ଆରମ୍ଭ କରିଛି।
ମଙ୍ଗଳବାର ଭାରତରୁ ଅତ୍ୟାବଶ୍ୟକ ଜୀବନ ରକ୍ଷାକାରୀ ଔଷଧ ଆମଦାନୀ ଲାଗି ପାକିସ୍ତାନ ସରକାର ଅନୁମତି ଦେଇଛନ୍ତି । ଏନେଇ ପାକିସ୍ତାନର ବାଣିଜ୍ୟ ମନ୍ତ୍ରଣାଳୟ ପକ୍ଷରୁ ଏକ ସରକାରୀ ନିର୍ଦ୍ଦେଶନାମା ପ୍ରକାଶ ପାଇଥିବା ପାକିସ୍ତାନୀ ଚ୍ୟାନେଲ ଜିଓ ଟିଭିରେ ଏ ଖବର ପ୍ରସାରିତ ହୋଇଛି।