ନୂଆଦିଲ୍ଲୀ: କୋରୋନା ଭାଇରସ ସଙ୍କଟ ମଧ୍ୟରେ ଭାରତରେ 21 ହଜାର 64ଟି ରିଲିଫ୍ କ୍ୟାମ୍ପରେ 6.66 ଲକ୍ଷରୁ ଉର୍ଦ୍ଧ୍ବ ବିସ୍ଥାପିତ ଲୋକ ରହୁଥିବା ଗୃହ ମନ୍ତ୍ରଣାଳୟ କହିଛି । ଏହାସହ ଅନେକ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର 23 ଲକ୍ଷରୁ ଅଧିକ ଲୋକଙ୍କୁ ଖାଦ୍ୟ ଏବଂ ଅନ୍ୟାନ୍ୟ ଜରୁରୀ ସାମଗ୍ରୀ ଯୋଗାଇ ଦିଆଯାଇଛି।
ମନ୍ତ୍ରଣାଳୟର କହିବାନୂଯାୟୀ, ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ଏହି ଲକଡାଉନ୍ ଯାଞ୍ଚ କରାଯାଉଛି ଏବଂ ଏହା ସନ୍ତୋଷଜନକ ଅଟେ । ଏହା ବ୍ୟତୀତ ଅତ୍ୟାବଶ୍ୟକ ଦ୍ରବ୍ୟର ଯୋଗାଣ ମଧ୍ୟ ସଠିକ୍ ଭାବରେ ଚାଲିଥିବା ମନ୍ତ୍ରାଳୟ ପକ୍ଷରୁ କୁହାଯାଇଛି ।