ବେଙ୍ଗାଲୁରୁ: ସର୍ବସାଧାରଣରେ କାନ୍ଦିବା ଯୋଗୁଁ ସମାଲୋଚନା କରିଥିବା କେନ୍ଦ୍ରମନ୍ତ୍ରୀ ସଦାନନ୍ଦ ଗୌଡାଙ୍କୁ ପାଲଟା ଜବାବ ଦେଇଛନ୍ତି କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏଚ.ଡି କୁମାରସ୍ବାମୀ। ଏନେଇ ସେ କହିଛନ୍ତି, ‘ମୋ ପରିବାର ପାଖରେ କାନ୍ଦିବାର ଅଧିକାର ଅଛି। ଆମେ ଖୁବ ଭାବ ବିହ୍ବଳ। ଆମ ଲୁହ ହୃଦରେ ଥିବା କଷ୍ଟକୁ ଅଭିବ୍ୟକ୍ତ କରେ।’
ସେ ଆହୁରି କହିଛନ୍ତି, ‘ପ୍ରିୟର ସଦାନନ୍ଦ ଗୌଡା, ଭିକ୍ସ କିମ୍ବା ଗ୍ଲିସେରିନ ଲଗାଇ ଆଖିରୁ ଲୁହ ଗଡାଇବା ମୋତେ ଜଣାନାହିଁ । ଗରିବ ଲୋକଙ୍କ ଦୁଃଖ ଏବଂ ସେମାନଙ୍କ ଆଖିର ଲୁହ ଦେଖିଲେ ମୋ ଆଖିରୁ ଲୁହ ବାହାରେ। ’ ଏହା ସହିତ ଆପଣ କେତେଜଣ ବନ୍ୟା ପ୍ରଭାବିତ ଲୋକଙ୍କୁ ସାହାଯ୍ୟ କରିଛନ୍ତି ବୋଲି କେନ୍ଦ୍ରମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି କୁମାରସ୍ବାମୀ।