ନୂଆଦିଲ୍ଲୀ: ନିର୍ବାଚନୀ ଋତୁରେ ରାଫେଲ ଝଡ। ବହୁଚର୍ଚ୍ଚିତ ରାଫେଲ ପ୍ରସଙ୍ଗକୁ ନେଇ ପୁଣି କେନ୍ଦ୍ରକୁ ବିରୋଧୀଙ୍କ ଟାର୍ଗେଟ। ରିଭ୍ୟୁ ପିଟିସନ (ସମୀକ୍ଷା ଆବେଦନ) ଉପରେ ସୁପ୍ରିମକୋର୍ଟ ଶୁଣାଣି କରିବାକୁ ସମ୍ମତି ପ୍ରକାଶ କରିବା ପରେ ଏହାକୁ ବିଜେପି ବିରୋଧରେ କ୍ଷେପଣାସ୍ତ୍ର ଭାବେ ବ୍ୟବହାର କଲେଣି ବିରୋଧୀ।
ପ୍ରକାଶ ଯେ, ରାଫେଲ ମାମଲାରେ କେନ୍ଦ୍ରକୁ ସୁପ୍ରିମକୋର୍ଟ ପୂର୍ବରୁ କ୍ଲିନ ଚିଟ ପ୍ରାଦନ କରିସାରିଛନ୍ତି । ତେବେ ଏହି ରାୟର ସମୀକ୍ଷା ଆବେଦନ କରିଥିଲେ ବିରୋଧୀ। ପରେ କେନ୍ଦ୍ର ସରକାରଙ୍କ ପକ୍ଷରୁ ବିରୋଧୀଙ୍କ ରିଭ୍ୟୁ ପିଟିସନ୍ (ସମୀକ୍ଷା ଆବେଦନ)କୁ ଚ୍ୟାଲେଞ୍ଜ କରାଯାଇଥିଲା । ତେବେ ସୁପ୍ରିମକୋର୍ଟ ବୁଧବାର କେନ୍ଦ୍ର ସରକାରଙ୍କ ଆବେଦନକୁ ଖାରଜ କରିବା ସହିତ ରାଫେଲ ମାମଲାର ପୁର୍ନବିଚାର କରିବାକୁ ଖୁବଶୀଘ୍ର ତାରିଖ ନିର୍ଦ୍ଧାରଣ କରାଯିବ ବୋଲି କହିଛନ୍ତି ।
ରାଫେଲ ମାମଲାରେ ମୋଦି ସରକାରଙ୍କୁ ସୁପ୍ରିମ କୋର୍ଟଙ୍କ କ୍ଲିନ ଚିଟ ମିଳିଥିଲା । ଏହାକୁ ନେଇ ମୋଦୀ ମଧ୍ୟ ବିରୋଧଙ୍କ ଉପରେ ବର୍ଷିଥିଲେ । କିନ୍ତୁ ଆଜିର ଶୁଣାଣି ପରେ ବିରୋଧୀ ଖଡ୍ଗହସ୍ତ ।