ପାଣାଜୀ: କୋରୋନା ଆତଙ୍କରୁ ସାମାନ୍ୟ ଆଶ୍ବସ୍ତି ହୋଇଛି ଗୋଆ । ରାଜ୍ୟ ପାଇଁ ବୁଧବାର ଆଣିଛି ଖୁସି ଖବର । 6 ନମ୍ବର କୋରୋନା ଆକ୍ରାନ୍ତ ସୁସ୍ଥ ହୋଇ ଡିସଚାର୍ଜ ହୋଇଛନ୍ତି । ଏନେଇ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ସୂଚନା ଦେଇଛନ୍ତି ।
ଗୋଆରେ ଏପର୍ଯ୍ୟନ୍ତ ମୋଟ 7ଟି କୋଭିଡ 19 ପଜିଟିଭ କେସ ବାହାରିଥିଲା । ସେଥିରୁ 5 ଜଣ ଆକ୍ରାନ୍ତ ପୂର୍ବରୁ ସୁସ୍ଥ ହୋଇସାରିଥିଲେ । ବୁଧବାର 6 ନମ୍ବର ବ୍ୟକ୍ତି ସୁସ୍ଥ ହୋଇଛନ୍ତି । ଶେଷ ରିପୋର୍ଟ ନେଗେଟିଭ ପରେ ତାଙ୍କର 14 ଦିନିଆ ତତ୍ତ୍ବାବଧାନ ସମୟ ଶେଷ ହୋଇଛି । ଏହାସହ ସେ ଘରକୁ ଫେରିଥିବା ଟ୍ବିଟରରେ ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି ।