ହାଇଦ୍ରାବାଦ: ଦେଶରେ ଆଣ୍ଟି ଚାଇନା ନାରା ଜାରି ରହିଥିବା ବେଳେ ଟପ୍ ସ୍ମାର୍ଟଫୋନ ବ୍ରାଣ୍ଡ ୱାନପ୍ଲସ ଶୁକ୍ରବାର କରିଛି ଗୁରୁତ୍ବପୂର୍ଣ୍ଣ ଘୋଷଣା । ଏହି ଘୋଷଣା ମୁତାବକ କମ୍ପାନୀ ମେକ ଇନ ଇଣ୍ଡିଆ ଉଦ୍ୟମରେ ଭାରତରେ ଟେଲିଭିଜନ ଉତ୍ପାଦନ ଆରମ୍ଭ କରିଛି । ଗୋଟିଏ ପଟେ ଦେଶରେ ଚୀନ ଦ୍ରବ୍ୟକୁ ବ୍ୟାନ କରାଯାଉଥିବା ବେଳେ କମ୍ପାନୀରେ ଭାରତରେ ମେକ ଇନ ଇଣ୍ଡିଆ ଉଦ୍ୟମ ଦ୍ବାରା ଦ୍ରବ୍ୟ ଉତ୍ପାଦନ କରିବା ଆରମ୍ଭ କରିବା ନେଇ ସ୍ପଷ୍ଟ କରିଛି ।
- କମ୍ପାନୀ ନିକଟରେ ସ୍ମାର୍ଚ ଫିଚର ସହ ୱାନପ୍ଲସ ଟିଭି ୟୁ ସରିଜ ଓ ୱାଇ ସିରିଜ ଲଞ୍ଚ କରିଛି । ଯାହା ୟୁଜର୍ସଙ୍କୁ ଘରେ ବସି ଟିଭି ଦେଖିବାର ଏକ ନୂଆ ଅନୁଭବ ଦେବ । ଏହି ଟିଭିକୁ 5ଟି ଡିଭାଇସ ସହ ଏକକାଳୀନ ପେୟାର କରାଯାଇପାରିବ ।
- ଚଳିତ ସପ୍ତାହ କମ୍ପାନୀ ନିଜର କମ ବଜେଟର ସ୍ମାର୍ଟଫୋନ ୱାନପ୍ଲସ ନର୍ଡର ଭାରତ ଓ ୟୁରୋପରେ ଲଞ୍ଚ ନେଇ ଘୋଷଣା କରିଛି ।
ଏନେଇ ୱାନପ୍ଲସ ଇଣ୍ଡିଆ ଉପାଧ୍ୟକ୍ଷ ତଥା ମୁଖ୍ୟ ଷ୍ଟ୍ରାଟେଜି ଅଧିକାରୀ ନଭନୀତ ନାକ୍ରା କହିଛନ୍ତି କି ୱାନପ୍ଲସ ପ୍ରଡକ୍ଟର ବିକ୍ରି ପାଇଁ ଆରମ୍ଭରୁ ହିଁ ଭାରତୀୟ ବଜାର ମୁଖ୍ୟ ବଜାର ଭାବେ ବିବେଚିତ ହୋଇଆସିଛି । ତେଣୁ ଏଠାରେ ୟୁଜର୍ସଙ୍କ ଆବଶ୍ୟକତା ପୂରଣ କରିବା କମ୍ପାନୀର ଏକ ମୂଳ ଲକ୍ଷ୍ୟ । ଏହାକୁ ନଜରରେ ରଖି ପ୍ରତିବର୍ଷ କମ୍ପାୱୀ ମେକ ଇନ ଇଣ୍ଡିଆ ସହ ହାତ ମିଳାଇ ନିଜ କର୍ତ୍ତବ୍ୟନିଷ୍ଠତା ପ୍ରତିପାଦନ କରିଚାଲିଛି ।
- 2018 ମସିହାରେ ଫେବୃଆରୀ ମାସରୁ ୱାନପ୍ଲସ ଭାରତରେ ନିଜ ସାମଗ୍ରୀ ପ୍ରସ୍ତୁତ ଆରମ୍ଭ କରିଛି ।
- 2019ରେ ହାଇଦ୍ରାବାଦରେ କମ୍ପାନୀର ରିସର୍ଚ୍ଚ ଆଣ୍ଡ ଡେଭେଲପମେଣ୍ଟ ସେଣ୍ଟର ଲଞ୍ଚ ହେବାର ସହ ଭାରତେ ଟିଭି ପ୍ରସ୍ତୁତି ନେଇ କମ୍ପାନୀ ଯୋଜନା ଆରମ୍ଭ କରିଛି । ଏଥିସହ ଆଗାମୀ ତିନି ବର୍ଷ ମଧ୍ୟରେ କମ୍ପାନୀ 1000 କୋଟି ଟଙ୍କା ବ୍ୟୟରେ ଲୋକଙ୍କ ଆବଶ୍ୟକତା ପୂରଣ କରିବାର ପ୍ରତିଶୃତି ଦେଇଛି ।
- ହାଇଦ୍ରାବାଦସ୍ଥିତ ଆର୍ ଆଣ୍ଡ ଡି ସେଣ୍ଟରରେ ତିନୋଟି ଲ୍ୟାବ ରହିଛି । ସେ ହେଉଛି କ୍ୟାମେରା ଲ୍ୟାବ, କମ୍ୟୁନିକେସନ ଆଣ୍ଡ ନେଟୱାର୍କିଂ ଲ୍ୟାବ ଓ ଅଟୋମେସନ ଲ୍ୟାବ ।
- ତେବେ ମେକ ଇନ ଇଣ୍ଡିଆ ଅଧିନରେ କେବଳ ଟିଭି ନୁହେଁ ଭବିଷ୍ୟତର ଆବଶ୍ୟକତା ଅନୁଯାୟୀ କ୍ୟାମେରା ଟେକ୍ନୋଲୋଜି, ନେଟୱାର୍କିଂ ଓ କନେକ୍ଟିଭିଟି ସହ ମୁଖ୍ୟତଃ 5ଜି ସେବା ଉପରେ କାର୍ଯ୍ୟ କରିବା ପାଇଁ କମ୍ପାନୀ ଲକ୍ଷ୍ୟ ରଖିଛି ।
- ଭାରତରେ କେବଳ ଟାୟାର-2 ବଜାର ନୁହେଁ ବରଂ ଏହା ବାହାର ମଧ୍ୟ କମ୍ପାନୀ ନିଜ ସ୍ଥିତି ସୁଦୃଢ କରିପାରିଛି ।
- ବର୍ତ୍ତମାନ ଭାରତରେ କମ୍ପାନୀର 5000 ଅଫଲାଇନ ଷ୍ଟୋର ଓ ପାର୍ଟନର ଷ୍ଟୋର ରହିଥିବା ବେଳେ ଆଗକୁ ସଂଖ୍ୟା 8000ରୁ ଉର୍ଦ୍ଧ୍ବ କରିବା ପାଇଁ କମ୍ପାନୀ ଲକ୍ଷ୍ୟ ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
