ପୁଞ୍ଛ ସେକ୍ଟରରେ ପାକିସ୍ତାନର ଅସ୍ତ୍ରବିରତି ଉଲ୍ଲଙ୍ଘନ, ଜଣେ ଯବାନ ଶହୀଦ

ପୁଞ୍ଛ ଜିଲ୍ଲାର ଦିଗୱାର ସେକ୍ଟରରେ ପାକିସ୍ତାନ ପକ୍ଷରୁ ପ୍ରବଳ ଗୁଳିମାଡ କରାଯାଇଛି । ଏହି ଗୁଳିମାଡରେ ଜଣେ ଭାରତୀୟ ଯବାନ ଶହୀଦ ହୋଇଛନ୍ତି ।

ଜମ୍ମୁ: ଜାମ୍ମୁ କାଶ୍ମୀର ପୁଞ୍ଛ ଜିଲ୍ଲାର ଦିଗୱାର ସେକ୍ଟରରେ ପାକିସ୍ତାନ ପକ୍ଷରୁ ପ୍ରବଳ ଗୁଳିମାଡ କରାଯାଇଛି । ଏହି ଗୁଳିମାଡରେ ଜଣେ ଭାରତୀୟ ଯବାନ ଶହୀଦ ହୋଇଛନ୍ତି । ତେବେ ପାକିସ୍ତାନ ଯବାନଙ୍କ ମୃତାହତ ସଂପର୍କରେ କିଛି ଖବର ମିଳିପାରିନାହିଁ ।

ଶନିବାର ଅପରାହ୍ନରେ ପାକିସ୍ତାନ ପକ୍ଷରୁ ପ୍ରଥମେ ଅସ୍ତ୍ରବିରତି ଉଲ୍ଲଙ୍ଘନ କରାଯାଇଥିଲା । ଏଥିରେ ପାକ୍ ପକ୍ଷରୁ ଦିନ 3.45ରୁ ମୋର୍ଟାର ଓ ଗୁଳି ବର୍ଷଣ କରାଯାଇଥିଲା । ଭାରତ ପକ୍ଷରୁ ଏହାର ପାଲଟା ଜବାବ ଦିଆଯାଇଥିଲା ।