ଦେଢ ବର୍ଷର ଭାଇକୁ ମାରିଲେ ଦୁଇ ନାବାଳିକା ଭଉଣୀ

ଏ ଘଟଣାରେ ସମ୍ପୃକ୍ତ ଦୁଇ ଉଭଣୀଙ୍କୁ ପୋଲିସ ହେପାଜତରେ ନେବା ସହ ଜୁବେନାଇଲ କୋର୍ଟରେ ହାଜର କରାଯାଇଛି।

ହରିଦ୍ବାର: ଉତ୍ତରାଖଣ୍ଡର ଜ୍ବାଲାପୁର ଥାନା କ୍ଷେତ୍ରରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଦୁଇ ନାବାଳିକା ମିଶି ଦେଢବର୍ଷର ଭାଇକୁ ହତ୍ୟା କରିଛନ୍ତି । ଛୋଟ ଭାଇର ଧ୍ୟାନ ରଖିବାକୁ ପଡୁଥିବାରୁ ଦୁଇ ଭଉଣୀ ମିଶି ସାନ ଭାଇକୁ ମାରିଦେଇଛନ୍ତି।

ତିନି ଦିନତଳେ ଜ୍ବାଲାପୁର ଥାନାରେ ଜଣେ ବ୍ୟକ୍ତି ଦେଢ ବର୍ଷ ପୁଅ ନିଖୋଜ ହେବାର ଏତଲା ଦେଇଥିଲେ। ସୋମବାର ପୋଲିସ ତଦନ୍ତ କରି ସତ୍ୟା ସାମ୍ନାକୁ ଆଣିଛି। ସିସିଟିଭି ଫୁଟେଜ୍ ଯାଞ୍ଚ କରି ଦୁଇ ଭଉଣୀ ହତ୍ୟା କରିଛନ୍ତି ବୋଲି ଜଣାଇଛି ପୋଲିସ।

ଏନେଇ ଦୁଇ ଭଉଣୀଙ୍କୁ ପଚାରିବାରୁ ସେମାନେ କହିଥିଲେ କି, ଶିଶୁକୁ ପ୍ରଥମେ କ୍ଷୀରରେ ନିଶା ଦ୍ରବ୍ୟ ମିଶାଇ ଦେଇଥିଲେ ଓ ପରେ ଏକ ବସ୍ତାରେ ବାନ୍ଧି ଗଙ୍ଗା ନଦୀରେ ଫୋପାଡି ଦେଇଥିଲେ । ବର୍ତ୍ତମାନ ପୋଲିସର ହେପାଜତରେ ଦୁଇ ଭଉଣୀ ଥିବା ବେଳେ ଗଙ୍ଗା ନଦୀରେ ଶିଶୁର ମୃତଦେହ ଖୋଜା ଚାଲିଛି।