ନୂଆଦିଲ୍ଲୀ: ଆଜି କାରଗିଲ ବିଜୟ ଦିବସ। ଏହି ଦିନ କଥା ଭାବିଲେ ସେହି ମହାନ ବୀର ସୈନିକ ମାନଙ୍କ କଥା ମନେପଡ଼େ । ଯେଉଁ ମାନଙ୍କ ବଳିଦାନ ଯୋଗୁଁ ଆମଦେଶର ଅଖଣ୍ଡତା ବଜାୟ ରହିପାରିଛି ।
ଆଜି ସେହି ବୀରମାନେ ନାହାନ୍ତି ସତ କିନ୍ତୁ ଛାଡ଼ି ଦେଇ ଯାଇଛନ୍ତି ଅନେକ ଗାଥା । ଆଉ ଅନେକ ସ୍ମୃତି । ସେମାନଙ୍କ ବୀରତ୍ବର କାହାଣୀ ଆଜି ପ୍ରତ୍ୟେକ ଦେଶବାସୀଙ୍କ ମନରେ ଲିପିବଦ୍ଧ ହୋଇ ରହିଛି । ଶହୀଦଙ୍କ ସ୍ମୃତିରେ ସାରା ଦେଶରେ 21 ତମ କାର୍ଗିଲ ବିଜୟ ଦିବସ ପାଳନ ହେଉଛି । ଏହି ଅବସରରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ସେହି ବୀର ଶହୀଦମାନଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି।
''କାରଗିଲ ବିଜୟ ଦିବସର 21 ତମ ବାର୍ଷିକୀ ଅବସରରେ, ମୁଁ ଭାରତୀୟ ସଶସ୍ତ୍ର ବାହିନୀର ସାହସୀ ସୈନିକମାନଙ୍କୁ ଶତ ନମନ କରୁଛି। ଯେଉଁମାନେ ସାମ୍ପ୍ରତିକ ଇତିହାସରେ ବିଶ୍ୱର ସବୁଠାରୁ ବିପଦପୂର୍ଣ୍ଣ ପରିସ୍ଥିତିରେ ଶତ୍ରୁ ସହିତ ଯୁଦ୍ଧ କରିଥିଲେ ବୋଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଟ୍ବିଟ କରି କହିଛନ୍ତି। ''
କାରଗିଲ ବିଜୟ ଦୀପ ପ୍ରକୃତରେ ଉଲ୍ଲେଖନୀୟ ସାମରିକ ସେବା, ଆଦର୍ଶ ବୀରତ୍ୱ ଏବଂ ବଳିଦାନର ଭାରତର ଗର୍ବର ପରମ୍ପରାର ଉତ୍ସବ । ଆମର ସଶସ୍ତ୍ର ବାହିନୀର ଅଦମ୍ୟ ସାହସ ଏବଂ ଦେଶପ୍ରେମ ନିଶ୍ଚିତ କରିଛି ଯେ ଭାରତ ସୁରକ୍ଷିତ ଏବଂ ନିରାପଦ ରହିଛି ବୋଲି ପ୍ରତିରକ୍ଷା ମନ୍ତ୍ରୀ କହିଛନ୍ତି।
''ମୁଁ ମଧ୍ୟ ସେହିମାନଙ୍କ ପାଇଁ କୃତଜ୍ଞ, ଯେଉଁମାନେ ଯୁଦ୍ଧରେ ଅକ୍ଷମ ହେବା ସତ୍ତ୍ୱେ, ନିଜ ନିଜ ଉପାୟରେ ଦେଶର ସେବା ଜାରି ରଖନ୍ତି ଏବଂ ଜାତି ଦ୍ୱାରା ଅନୁକରଣ ପାଇଁ ଯୋଗ୍ୟ ଉଦାହରଣ ସୃଷ୍ଟି କରିଛନ୍ତି । ଯେଉଁମାନେ ଜାତିର ସେବାରେ ଜୀବନ ଦେଇଛନ୍ତି, ମୁଁ ସେମାନଙ୍କ ପରିବାରକୁ ପ୍ରଣାମ କରୁଛି '' ବୋଲି ମନ୍ତ୍ରୀ ଟ୍ବିଟ କରି ଲେଖିଛନ୍ତି।