ହାଇଦ୍ରାବାଦରେ ଓଡିଆ ଯୁବକଙ୍କ ଆତ୍ମହତ୍ୟା

ବାଲେଶ୍ବର ଜିଲ୍ଲାର ଚନ୍ଦନ ଗୋହାରେ ନାମକ ଯୁବକ ଗତ ଶନିବାର ହାଇଦ୍ରାବାଦରେ ରହୁଥିବା ଏକ ଭଡାଘରେ ଆତ୍ମହତ୍ୟା କରିଛନ୍ତି।

ହାଇଦ୍ରାବାଦ: ହାଇଦ୍ରାବାଦରେ ଓଡିଆ ଯୁବକଙ୍କ ଆତ୍ମହତ୍ୟା । ବାଲେଶ୍ବର ଜିଲ୍ଲାର ଚନ୍ଦନ ଗୋହାରେ ନାମକ ଯୁବକ ଗତ ଶନିବାର ହାଇଦ୍ରାବାଦରେ ରହୁଥିବା ଏକ ଭଡା ଘରେ ଆତ୍ମହତ୍ୟା କରିଛନ୍ତି ।

ଗତ 15 ଦିନ ତଳେ ଚନ୍ଦନ ହାଇଦ୍ରବାଦ ଯାଇଥିଲେ । ସେ ହାଇଦ୍ରାବାଦର ଜଗଦଗିରିଗୁଟା ପୋଲିସ ଷ୍ଟେସନ ନିକଟସ୍ଥ ଏସବେଷ୍ଟୋଶ କଲୋନୀର ଶେଷ ବସଷ୍ଟପ୍ ନିକଟସ୍ଥ ଭଡା ଘରେ ରହୁଥିଲେ ।

ଗତ ଶନିବାର ଘରେ କେହି ନଥିବା ସମୟରେ ସେ ନିଜ ଦେହରେ କିରୋସିନି ଢାଳି ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । କିଛିସମୟ ପରେ ସ୍ଥାନୀୟ ଲୋକେ ଆସି ତାଙ୍କ ଘର କବାଟ ଖୋଲିଥିଲେ । ମାତ୍ର ସେତେବେଳକୁ ଚନ୍ଦନଙ୍କର ମୃତ୍ୟୁ ଘଟିଥିଲା। ଏପଟେ ଖବର ପାଇ ଜଗଦଗିରିଗୁଟା ପୋଲିସ ଘଟଣାସ୍ଥଳରେ ପହଞ୍ଚି ଏ ଘଟଣାର ତଦନ୍ତ ଆରମ୍ଭ କରିଛି।