ଜୟପୁର: ରାଜସ୍ଥାନର ରାଜନୈତିକ ଡ୍ରାମା ମଧ୍ୟରେ ଆସନ୍ତା ଅଗଷ୍ଟ 14ରୁ ବିଧାନସଭା ଅଧିବେଶନ ଆରମ୍ଭ ହେବାକୁ ଯାଉଛି । ତେବେ ଏହି ଅଧିବେଶନରେ ରାଜ୍ୟବାସୀଙ୍କ ସହ ଜଡିତ ପ୍ରସଙ୍ଗ କମ୍ ଉଠାଯିବ। ଏହି ଅଧିବେଶନରେ ରାଜସ୍ଥାନ ରାଜନୀତିରେ ଜାରି ଅସ୍ଥିରତା ସମ୍ପର୍କରେ ଅଧିକ ଚର୍ଚ୍ଚା ହେବାର ସମ୍ଭାବନା ରହିଛି । ବିଧାନସଭାର 200 ସଦସ୍ୟଙ୍କ ମଧ୍ୟରୁ କେବଳ ଅଳ୍ପ କିଛି ନିର୍ବାଚିତ ବିଧାୟକ ଏପର୍ଯ୍ୟନ୍ତ ନିଜ ପ୍ରଶ୍ନ ଦାଖଲ କରିଛନ୍ତି। ବିଜେପି ବିଧାୟକ ତଥା ମୁଖପାତ୍ର ରାମଲାଲ ଶର୍ମା ଏହି ସୂଚନା ଦେଇଛନ୍ତି।
ରାଜସ୍ଥାନ ବିଧାନସଭା ଅଧିବେଶନ
ରାମଲାଲ ଶର୍ମା ତାଙ୍କ ପ୍ରଶ୍ନ ଦାଖଲ କରିବାକୁ ବିଧାନସଭା ଯାଇଥିଲେ। ଏହି ସମୟରେ ପ୍ରଶ୍ନ ପ୍ରସଙ୍ଗରେ ସେ ଜାଣିବାକୁ ପାଇଥିଲେ । କେବଳ କିଛି ବିଧାୟକ ଏବେସୁଦ୍ଧା 300 ପ୍ରଶ୍ନ ଦାଖଲ କରିଛନ୍ତି । ତେବେ ଜୈସଲମେରରେ ଥିବା କୌଣସି କଂଗ୍ରେସ ବିଧାୟକ ଏବେସୁଦ୍ଧା ନିଜ ପ୍ରଶ୍ନ ଦାଖଲ କରିନଥିବା ସେ କହିଛନ୍ତି ।