ନୂଆଦିଲ୍ଲୀ: ଦେଶରେ ଦେଶରେ 24 ଘଣ୍ଟା ମଧ୍ୟରେ 10ହଜାର 9ଶହ 56 କୋରୋନା ପଜିଟିଭ ଓ 396 ଜଣଙ୍କ ମୃତ୍ୟୁ ହୋଇଥିବା ରେକର୍ଡ କରାଯାଇଛି । ଫଳରେ ଦେଶର ମୋଟ କୋରୋନା ପଜିଟିଭ ସଂଖ୍ୟା 2ଲକ୍ଷ 97 ହଜାର 5ଶହ 35ରେ ପହଞ୍ଚିଛି । ସେହିପରି ମୋଟ ମୃତ୍ୟୁ ସଂଖ୍ୟା 8498ରେ ପହଞ୍ଚିଛି । ମୋଟ 1ଲକ୍ଷ 47ହଜାର 1ଶହ 45 ଜଣ ଡିସଚାର୍ଜ ହୋଇଥିବା ବେଳେ ସକ୍ରିୟ ମାମଲା ସଂଖ୍ୟା 1ଲକ୍ଷ 41ହଜାର 8ଶହ 42 ରହିଛି । ଏନେଇ ଶୁକ୍ରବାର କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ମହାରାଷ୍ଟ୍ରରେ ସର୍ବାଧିକ 47980 ସକ୍ରିୟ ମାମଲା ରହିଥିବା ବେଳେ ଗୁଜୁରାଟରେ 5546, ଦିଲ୍ଲୀରେ 20871, ତାମିଲନାଡୁରେ 17662, ରାଜସ୍ଥାନରେ 2798, ମଧ୍ୟପ୍ରଦେଶରେ 2768, ଉତ୍ତରପ୍ରଦେଶରେ 4451, ଆନ୍ଧ୍ରପ୍ରଦେଶରେ 2301, ତେଲେଙ୍ଗାନା 2162, କର୍ଣ୍ଣାଟକରେ 3196, କେରଳରେ 1258 ଓ ଓଡିଶାରେ 1023 ରହିଛି ।
ସେହିପରି ମହାରାଷ୍ଟ୍ରରେ ସର୍ବାଧିକ ଲୋକଙ୍କ ମୃତ୍ୟୁ ଘଟିଥିବା ଜଣାପଡିଛି । ମହାରାଷ୍ଟ୍ରରେ 3590 ଜଣଙ୍କ ମୃତ୍ୟୁ ଘଟିଥିବା ବେଳେ ଗୁଜୁରାଟରେ 1385, ମଧ୍ୟପ୍ରଦେଶରେ 431, ଦିଲ୍ଲୀରେ 1085, ଆନ୍ଧ୍ରପ୍ରଦେଶରେ 80, ତାମିଲନାଡୁରେ 349, କର୍ଣ୍ଣାଟକରେ 72 ଓ ତେଲେଙ୍ଗାନାରେ 165 ଜଣଙ୍କ ମୃତ୍ୟୁ ହୋଇଛି ।