ନୂଆଦିଲ୍ଲୀ: ଦିଲ୍ଲୀର ଧୌଲା କୁଆନ ରିଙ୍ଗ ରୋଡ ନିକଟରେ ପୋଲିସର ଏକ ସ୍ବତନ୍ତ୍ର ସେଲ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ । ଏଥିରେ ଜଣେ ଆତଙ୍କବାଦୀ ଧରାପଡିଛି । ସ୍ପେଶାଲ୍ ସେଲ୍ ଟିମ୍ ଏପର୍ଯ୍ୟନ୍ତ ଅପରେସନ୍ ଜାରି ରଖିଛି ।
ସୂଚନାନୁସାରେ, ଧରାପଡିଥିବା ଆତଙ୍କବାଦୀଙ୍କ ନାମ ଅବଦୁଲ ୟୁସୁଫ୍ । ତାଙ୍କ ନିକଟରୁ 15 କିଲୋର ଦୁଇଟି ଆଇଡି ଓ ଅସ୍ତ୍ରଶସ୍ତ୍ର ଉଦ୍ଧାର କରାଯାଇଛି । ଶୁକ୍ରବାର ବିଳମ୍ବିତ ରାତିରେ ଦିଲ୍ଲୀ ପୋଲିସର ସ୍ବତନ୍ତ୍ର ସେଲ୍ କାର୍ଯ୍ୟ ଆରମ୍ଭ କରିଥିଲା। ଆତଙ୍କବାଦୀଙ୍କ ଟାର୍ଗେଟରେ ଜଣେ ବିଶିଷ୍ଟ ବ୍ୟକ୍ତି ଥିବା କୁହାଯାଉଛି ।
ଆତଙ୍କବାଦୀ ଅବଦୁଲା ୟୁସୁଫଠାରୁ ସୂଚନା ପାଇବା ପରେ ଉତ୍ତରପ୍ରଦେଶରେ ହାଇ ଆଲର୍ଟ ଘୋଷଣା କରାଯାଇଛି । ବଳରାମପୁର, ବାହରାଇଚ, ଜୌନପୁର, କୁଶିନଗର ସମେତ ଅନେକ ସ୍ଥାନରେ ତଦନ୍ତ କରାଯାଉଛି । ଆତଙ୍କବାଦୀ ୟୁସୁଫ ପ୍ରକାଶ କରିଛି ଯେ ଦିଲ୍ଲୀରେ ଦଙ୍ଗା, ଏନଆରସି ପ୍ରଦର୍ଶନ, ଦଙ୍ଗାରେ 47 ଜଣଙ୍କ ମୃତ୍ୟୁର ପ୍ରତିଶୋଧ ନେବାକୁ ଅଯୋଧ୍ୟାରେ ଆତଙ୍କବାଦୀ ଆକ୍ରମଣ କରିବାକୁ ପ୍ରସ୍ତୁତି ଚାଲିଛି । ୟୁସୁଫ୍ ସହ ଥିବା ଆତଙ୍କବାଦୀମାନେ ଉତ୍ତରପ୍ରଦେଶ ଆଡକୁ ଯାଇଥିବା ସୂଚନା ମିଳିଛି। ଏମାନେ ନେପାଳ ଦେଇ ଉତ୍ତରପ୍ରଦେଶରେ ପ୍ରବେଶ କରିଥିଲେ।
ଦିଲ୍ଲୀରେ ବଡ ଆତଙ୍କୀ ଷଡଯନ୍ତ୍ର ବିଫଳ: ଗିରଫ ହେଲା ISIS ଆତଙ୍କବାଦୀ ଅନ୍ୟପକ୍ଷେ ଆତଙ୍କବାଦୀ ଅବଦୁଲ ୟୁସୁଫକୁ ପଚରାଉଚୁରା ଜାରି ରଖିଛି । ଅନ୍ୟପକ୍ଷରେ ବୁଦ୍ଧ ଜୟନ୍ତୀ ପାର୍କରୁ ଏନଏସଜି କମାଣ୍ଡ ଏକ ବୋମା ଉଦ୍ଧାର କରିଛନ୍ତି । ଏହି ସମୟ ମଧ୍ୟରେ ପାର୍କରେ ଚାଲିଥିବା ଅପରେସନରେ ସ୍ବତନ୍ତ୍ର ସେଲ୍, ଏନଏସଜି, କ୍ରାଇମ ଟିମ୍, ଅଗ୍ନିଶମ ବିଭାଗ ଓ ସ୍ଥାନୀୟ ପୋଲିସ ଉପସ୍ଥିତ ଥିଲେ ।
ଦିଲ୍ଲୀରେ ବଡ ଆତଙ୍କୀ ଷଡଯନ୍ତ୍ର ବିଫଳ: ଗିରଫ ହେଲା ISIS ଆତଙ୍କବାଦୀ ଡିସିପି ପ୍ରମୋଦ କୁଶୱାହାଙ୍କ କହିବାନୁସାରେ, ଆତଙ୍କବାଦୀଙ୍କୁ ଦୃଷ୍ଟିରେ ରଖି ଗତ କିଛି ଦିନ ଧରି ସ୍ବତନ୍ତ୍ର ସେଲ୍ ଟିମ୍ କାର୍ଯ୍ୟ କରୁଥିଲେ। ସ୍ବାଧୀନତା ଦିବସରେ ଆକ୍ରମଣର ବିପଦକୁ ଧ୍ୟାନରେ ରଖି ସ୍ପେଶାଲ ସେଲର ଦଳ ନିରନ୍ତର ସଚେତନ ଥିଲେ । ଜଣେ ସନ୍ଦିଗ୍ଧ ଆଇଏସଆଇଏସ ଆତଙ୍କବାଦୀ ସୂଚନା ଉପରେ ସ୍ପେଶାଲ୍ ସେଲ୍ ଟିମ୍ ଧୌଲା କୁଆନ୍ ନିକଟରେ ପ୍ରସ୍ତୁତ ଥିଲା । ଯେତେବେଳେ ପୋଲିସ ଦଳ ତାଙ୍କୁ ଆତ୍ମସମର୍ପଣ କରିବାକୁ କହିଥିଲେ ସେମାନେ ପାର୍କ ଭିତରକୁ ଦୌଡ଼ିଯାଇ ଗୁଳି ଚଳାଇଥିଲେ।
ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ପୁରା ଷଡଯନ୍ତ୍ର ବିଷୟରେ ଅବଦୁଲ ୟୁସୁଫଙ୍କୁ ପଚରାଉଚରା କରୁଛି। ଯେଉଁଠାରେ ପୋଲିସ ଟିମ୍ ତାଙ୍କୁ ଗିରଫ କରିଛି, ସେଠାରୁ ସେନା ବେସ ଅତି ନିକଟତର । ଏହାକୁ ଦୃଷ୍ଟିରେ ରଖି ଗୋଟେପଟେ ସେନାର ଅଧିକାରୀଙ୍କୁ ସତର୍କ କରାଯାଇଛି, ଅନ୍ୟପଟେ ପୋଲିସ ଟିମ୍ ମଧ୍ୟ ସମସ୍ତ ପୋଲିସ ଷ୍ଟେସନକୁ ସତର୍କ ରହିବାକୁ କହିଛି।
ଦିଲ୍ଲୀ ପୋଲିସର ସୂଚନାନୁସାରେ ଗିରଫ ହୋଇଥିବା ଆଇଏସଆଇଏସ ଆତଙ୍କବାଦୀ ଅବଦୁଲ ୟୁସୁଫ ଉତ୍ତରପ୍ରଦେଶର ବଳରାମପୁରର। ଏକ ଦଳ ବଳରାମପୁରରେ ଚଢାଉ କରୁଛି। ତେବେ ଏହି ଏନକାଉଣ୍ଟରରେ ଆଉ ଜଣେ ଆତଙ୍କ ଖସି ପଲାଇଛି । ବର୍ତ୍ତମାନ ସେହି ଆତଙ୍କବାଦୀକୁ ଧରିବା ପାଇଁ ଚଢାଉ ଜାରି ରହିଛି । ଦିଲ୍ଲୀ ପୋଲିସ କହିଛି ଯେ ଆଇଏସଆଇଏସ୍ ଆତଙ୍କବାଦୀ ଦିଲ୍ଲୀରେ ଏକ ବଡ ଆତଙ୍କବାଦୀ ଆକ୍ରମଣ କରିବାକୁ ଯୋଜନା କରିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
