ବାରଣାସୀ: ଏଣିକି ପେଟିଏମ ଜରିଆରେ ଉତ୍ତରପ୍ରଦେଶର ବାରାଣସୀସ୍ଥିତ ପ୍ରସିଦ୍ଧ କାଶୀ ବିଶ୍ବନାଥ ମନ୍ଦିରରେ ଆଳତୀ, ସୁଗମ ଦର୍ଶନ ଓ ରୁଦ୍ରାଭିଷେକର ଟିକେଟ୍ ପୈଠ କରିପାରିବେ । ଏଥିପାଇଁ ମନ୍ଦିରର ଡୋନେଶନ ଲିଙ୍କ୍କୁ ପେଟିଏମ ଆପ୍ରେ ଲାଇଭ୍ କରାଯାଇଛି । ଏହି ଲିଙ୍କ ଜରିଆରେ ଶ୍ରଦ୍ଧାଳୁମାନେ ଟଙ୍କା ଦାନ ମଧ୍ୟ କରିପାରିବେ ।
ଏହି ମନ୍ଦିରର ସୌନ୍ଦର୍ଯ୍ୟକରଣ ଓ ପ୍ରଶସ୍ତିକରଣ ଯୋଜନା ପାଇଁ ଶ୍ରମଦାନର ବ୍ୟବସ୍ଥା ସହ ଦାନର ବ୍ୟବସ୍ଥା ମଧ୍ୟ କରାଯାଇଛି । ଯେଉଁକାରଣରୁ ପେଟିଏମ ଆପ୍ରେ ମନ୍ଦିରର ଡୋନେଶନ ଲିଙ୍କ୍କୁ ସଂଯୋଗ କରାଯାଇଛି । ଏଥିରେ ମନ୍ଦିରର ପ୍ରଶସ୍ତିକରଣ, ସଞ୍ଚାଳନ, ଗ୍ୟାଲେରୀ ନିର୍ମାଣ ସହ ଶ୍ରଦ୍ଧାଳୁଙ୍କୁ ମନ୍ଦିର ପକ୍ଷରୁ ମିଳିବାକୁ ଥିବା ସମସ୍ତ ସୁବିଧା ପାଇଁ ବିଭିନ୍ନ ପ୍ରକାରର ବିକଳ୍ପ ବ୍ୟବସ୍ଥା କରାଯାଇଛି ।