‘ଗୋଆ କଂଗ୍ରେସରେ କୌଣସି ସମସ୍ୟା ନାହିଁ’

ଗୋଆ କଂଗ୍ରେସରେ କୌଣସି ସମସ୍ୟା ନାହିଁ ବୋଲି ପୂର୍ବତନ ଗୋଆ ମୁଖ୍ୟମନ୍ତ୍ରୀ ଫ୍ରାନ୍ସିସକୋ ସାରଦିନହା ପ୍ରକାଶ କରିଛନ୍ତି ।

ପାନାଜୀ: ଗୋଆ କଂଗ୍ରେସରେ କୌଣସି ସମସ୍ୟା ନାହିଁ । ଏହା କହିଛନ୍ତି ପୂର୍ବତନ ଗୋଆ ମୁଖ୍ୟମନ୍ତ୍ରୀ ଫ୍ରାନ୍ସିସକୋ ସାରଦିନହା । କିଛି ବିଧାୟକ ମାନଙ୍କୁ ଟଙ୍କା ଓ ମନ୍ତ୍ରୀ ପଦର ଲୋଭ ଦେଖାଯାଇଥିଲା । ତେଣୁ ସମସ୍ୟା ଉପୁଜିଥିଲା ବୋଲି ସେ ପ୍ରକାଶ କରିଛନ୍ତି ।

ସେ ଆହୁରି ମଧ୍ୟ କହିଛନ୍ତି, ଯେ ସେଠାରେ କେବଳ 5 ଜଣ ବିଧାୟକ ରହିଛନ୍ତି । ତେଣୁ ବିଧାୟକ ସଂଖ୍ୟା କମ ଥିବାରୁ ବିଧାୟକ ଦଳର ନେତା ରହିଛନ୍ତି, ବିରୋଧୀ ଦଳ ନେତା ନୁହେଁ । ବିରୋଧୀ ଦଳ ହେବା ପାଇଁ ଆଉ ବିଧାୟକମାନଙ୍କ ଆବଶ୍ୟକତା ରହିଛି ।

ଉଲ୍ଲେଖଯୋଗ୍ୟ, ଗତ ବୁଧବାର 10ଜଣ କଂଗ୍ରେସ ବିଧାୟକ ବିଜେପିରେ ଯୋଗ ଦେଇଥିଲେ । ଏହା ଦ୍ବାରା ବିଜେପିର ବିଧାୟକ ସଂଖ୍ୟା 27କୁ ବୃଦ୍ଧି ପାଇଥିଲା । କଂଗ୍ରେସର ବିଧାୟକ ସଂଖ୍ୟା ହ୍ରାସ ପାଇ 5ରେ ପହଞ୍ଚିଛି ।