ଗୌହାଟି: ଆସାମର ଚା ଚାଷୀ ଓ ଚା ବଗିଚାରେ କାମ କରୁଥିବା ଶ୍ରମିକଙ୍କ ପାଇଁ ପ୍ରଦାନ ହେଲା ତୃତୀୟ ପର୍ଯ୍ୟାୟ ‘ଚା ବଗିଚା ଧନ ପୁରସ୍କାର’ । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ଆସାମ ଗସ୍ତରେ ଥିବାବେଳେ ସେଠାରେ ସେ ଏହି ପ୍ରୋତ୍ସାହନ ରାଶି ପ୍ରଦାନ କରିଛନ୍ତି । ଏହି କାର୍ଯ୍ୟକ୍ରମରେ ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନଓ୍ବାଲ ଯୋଗ ଦେଇଥିବା ଦେଖିବାକୁ ମିଳିଛି ।
ଏହି ଅବସରରେ ନିର୍ମଳା ସୀତାରମଣ କହିଛନ୍ତି ଚା ବଗିଚାରେ କାମ କରୁଥିବା ଶ୍ରମିକଙ୍କ ଆର୍ଥିକ ଅବସ୍ଥା ବଦଳିବା ଆବଶ୍ୟକ । ସେମାନଙ୍କ ଆୟ ମଧ୍ୟ ଦୁଇ ଗୁଣା ହେବା ଦିଗରେ ସରକାର ଚେଷ୍ଟା କରୁଛନ୍ତି । ସେମାନଙ୍କୁ ଚା ଚାଷରେ ପ୍ରୋତ୍ସାହନ ସହ ସେମାନଙ୍କ ପରିବାରକୁ ଖାଦ୍ୟ ଓ ମୌଳିକ ଆବଶ୍ୟକତା ଇପଲବ୍ଧ କରାଇବା ସରକାରଙ୍କ ପ୍ରାଥମିକତା ବୋଲି କହିଛନ୍ତି ନିର୍ମଳା । ପ୍ରଥମରୁ ଆସାମର ଚା ଚାଷୀଙ୍କୁ ଦୁଇ କିସ୍ତିରେ ଅର୍ଥ ପ୍ରଦାନ କରାଯାଇଥିବାବେଳେ ବର୍ତ୍ତମାନ 3ୟ କିସ୍ତିରେ ଅର୍ଥ ପ୍ରଦାନ ଆରମ୍ଭ ହୋଇଛି ।