ନୂଆଦିଲ୍ଲୀ: ରାତି ପାହିବା ପୂର୍ବରୁ ନିର୍ଭୟା ଗଣଦୁଷ୍କର୍ମ ଓ ହତ୍ୟା ଅପରାଧରେ ଫାଶୀ ପାଇ ସାରିଥିବେ ଚାରି ଦୋଷୀ । ସବୁ ଆଇନଗତ ଖେଳ ସରିଛି । ହେଲେ ପୁଣି ଥରେ ଫାଶୀରୁ ବର୍ତ୍ତିବା ପାଇଁ ନୂଆ ଚାଲ ଖେଳିଛନ୍ତି ଦୋଷୀ । ଟ୍ରାଏଲ କୋର୍ଟର ଡେଥ୍ ୱାରେଣ୍ଟ ସ୍ଥିଗତ ଆଦେଶକୁ 4 ଦୋଷୀଙ୍କ ମଧ୍ୟରୁ ବିନୟ, ଅକ୍ଷୟ ଏବଂ ପୱନ ଉପରେ ଦିଲ୍ଲୀ ହାଇକୋର୍ଟରେ ଚ୍ୟାଲେଞ୍ଜ କରିଛନ୍ତି । ରାତି 9 ଟା ପରଠାରୁ ହାଇକୋର୍ଟ ଏହି ପିଟିସନର ଶୁଣାଣି ହେବାର ସମ୍ଭାବନା ରହିଛି ।
ସୁପ୍ରିମକୋର୍ଟରେ ଶୁଣାଣି ସମୟରେ ସରକାରୀ ଓକିଲ କହିଥିଲେ ଯେ, ପୱନଙ୍କ କ୍ୟୁରେଟିଭ ଆବେଦନକୁ ସୁପ୍ରିମକୋର୍ଟ ପ୍ରତ୍ୟାଖ୍ୟାନ କରିଛନ୍ତି । ଏହାସହ ପୱନର ଦ୍ବିତୀୟ ଦୟା ଆବେଦନ କରିଥିଲା କିନ୍ତୁ ପ୍ରଥମ ଦୟା ଆବେଦନ ସମ୍ପୂର୍ଣ୍ଣ ହୋଇଥିବାରୁ ରାଷ୍ଟ୍ରପତି ଏହାକୁ ବିଚାର କରିବାକୁ ମନା କରି ଦେଇଛନ୍ତି ।