ନୂଆଦିଲ୍ଲୀ: ଆସନ୍ତା 4 ତାରିଖରୁ କୋରୋନା ଦ୍ବାରା କମ ପ୍ରଭାବିତ ଜିଲ୍ଲା ଗୁଡିକରେ କଟକଣା କୋହଳ କରାଯିବ । ଏନେଇ ଏକ ନୂତନ ନିର୍ଦ୍ଦେଶାନାମା ଜାରି କରାଯିବ ବୋଲି ଗୃହ ମନ୍ତ୍ରଣାଳୟ ପକ୍ଷରୁ ପ୍ରକାଶ କରାଯାଇଛି ।
ଗୃହ ବିଭାଗ ମନ୍ତ୍ରଣାଳୟ ବୁଧବାର ପ୍ରକାଶ କରିଛି ଯେ, ବିଭିନ୍ନ ଜିଲ୍ଲାରେ ଲାଗୁ ହୋଇଥିବା କଠୋର ନିୟମକୁ କୋହଳ କରାଯିବା । ଏହା ସହ ଏ ସଂପର୍କିତ ନୂତନ ନିର୍ଦ୍ଦେଶାବଳୀ ଆସନ୍ତା 4 ତାରିଖରୁ କାର୍ଯ୍ୟକାରୀ ହେବ ।
ମନ୍ତ୍ରଣାଳୟ ପକ୍ଷରୁ ଟ୍ବିଟରରେ କୁହାଯାଇଛି, ‘COVID19 ସହିତ ଲଢିବା ପାଇଁ ନୂତନ ନିର୍ଦ୍ଦେଶାବଳୀ ମେ 4ରୁ ଲାଗୁ ହେବ, ଯାହା ଅନେକ ଜିଲ୍ଲା ପାଇଁ ଆଶ୍ବସ୍ତିର କାରଣ ହେବ । ଏ ସଂପର୍କରେ ଆଗାମୀ ଦିନରେ ସବିଶେଷ ତଥ୍ୟ ପ୍ରକାଶ କରାଯିବ ।’