ହାଇଦ୍ରାବାଦ: ୟୁଜର୍ସଙ୍କ ପସନ୍ଦର ବ୍ରାଉଜର ଗୁଗୁଲ କ୍ରୋମରେ ଯୋଡି ହେବାକୁ ଯାଉଛି ଏକ ନୂଆ ଫିଚର । ଅନ୍ୟ ଅନଲାଇନ ଆପ୍ରେ ଏନେଇ ଆଗରୁ ବ୍ୟବସ୍ଥା ରହିଥିବା ବେଳେ ଏବେ ଗୁଗୁଲ କ୍ରୋମରେ ସର୍ଫିଙ୍ଗକୁ ଅଧିକ ସରଳ ଓ ସହଜ କରିବା ପାଇଁ ଆସୁଛି ଏହି ନୂଆ ଫିଚର । ଏହି ଫିଚରରେ କ୍ରୋମ ବ୍ରାଉଜରରେ ଯୋଡି ହେବ ‘ଗୁଗୁଲ ଲେନ୍ସ’ ।
ଏହି ଫିଚର ସାହାଯ୍ୟରେ ଆପଣ କ୍ୟାମେରା ଲେନ୍ସରେ ଯେକୌଣସି ବସ୍ତୁର ଫଟୋ ଉଠାଇ ଏହା ସମ୍ବନ୍ଧରେ ସର୍ଚ୍ଚ କରିପାରିବେ । ଅନ୍ୟ ଶବ୍ଦରେ କହିବାକୁ ଗଲେ ଏହା ଏକ କ୍ୟାମେରା ସ୍କାନର ପରି କାର୍ଯ୍ୟ କରିବ । ଯାହା ଦ୍ବାରା ଆପଣ ଯେକୌଣସି ବସ୍ତୁର ଫଟୋ କ୍ଲିକ କରି ଏହାର ରିଲେଟେଡ ଫଟୋ ବା ତଥ୍ୟ ସର୍ଚ୍ଚ କରିପାରିବେ । ତେବେ ଏହି ଆଡଭାନ୍ସ ଫିଚରରେ ୟୁଜର୍ସ ସର୍ଚ୍ଚ କରୁଥିବା ବସ୍ତୁ ସହ ଏହାର ରିଲେଟେଡ ବା ସମ୍ପର୍କିତ ବସ୍ତୁ ଉପରେ ମଧ୍ୟ ତଥ୍ୟ ଯୋଗାଇଥାଏ ।