ନୂଆଦିଲ୍ଲୀ: ନୀତୀଶ କୁମାରଙ୍କ ନେତୃତ୍ବରେ ବିହାରରେ 5 ବର୍ଷ ଶାସନ କରିବ ଏନଡିଏ । ଏପରି କହିଛନ୍ତି ଭାଜପାର ରାଷ୍ଟ୍ରୀୟ ମୁଖପାତ୍ର ଶାହାନହାଜ ହୁସେନ । ଇଟିଭି ଭାରତକୁ ଦେଇଥିବା ପ୍ରତିକ୍ରିୟାରେ ହୁସେନ୍ କହିଛନ୍ତି ଯେ ବିହାରର ଲୋକମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବିଶ୍ବାସ ପ୍ରଦର୍ଶନ କରିଥିବାରୁ ଏନଡିଏ କ୍ଷମତାକୁ ଆସିବା ସହ ସଫଳତାର ସହ 5 ବର୍ଷ ପୂରଣ ମଧ୍ୟ କରିବ ।
ବିହାରରେ 5 ବର୍ଷ ଶାସନ କରିବ ଏନଡିଏ : ସାହାନବାଜ ହୁସେନ
ସେ ଆହୁରି ମଧ୍ୟ କହିଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ନେତୃତ୍ବରେ ସରକାର ଗଠନ ହୋବାକୁ ଯାଉଛି। କେନ୍ଦ୍ର ରାଜ୍ୟ ସରକାର ଯେପରି କରିଆସୁଛନ୍ତି ସେପରି ସମର୍ଥନ ଜାରି ରଖିବେ। ଯେତେବେଳେ ହିନ୍ଦୁସ୍ତାନୀ ଆୱାମ ମୋର୍ଚା ଏବଂ ବିକାଶସିଲ ଇନସାନ ପାର୍ଟି ଏନଡିଏରେ ପାଞ୍ଚ ବର୍ଷ ରହିବେ କି ବୋଲି ପଚରାଯିବାରୁ ହୁସେନ୍ କହିଛନ୍ତି ଯେ ମିଳିତ ମଞ୍ଚରେ ସହଯୋଗୀ ଦଳର ଗୁରୁତ୍ବ ଦିଆଯାଏ ।